سەرنووچە:

پۆلیسێ هەولێرێ: خیاتەکێ جلێکن ژنان کو کامێران ل ژورا خۆگۆرینێ دانابوو هاتە دەستەسەرکرن

فۆتۆ: 
2021-01-24

930 جار خوێندراوەتەوە

پەیڤدارێ پۆلیسێن هەولێرێ راگەهاند، خەیاتەکێ درینا جل و بەرگێن ژنان دەستەسەرکریە، کو کامێرا ل ژورا خۆگۆهڕینێ دانابوو.

هۆگر عەزیز  پەیڤدارێ پۆلیسێن هەولێرێ راگەهاند، رۆژا پێنجشەمبا دەربازبووی، خەیاتەکێ درینا جل و بەرگێن ژنان هاتیە دەستەسەرکرن، ژبەر کو کامێرا ل ژورا خۆگۆهڕینێ دانابوو.

بەحسا وێیەکێ ژی کریە، ب ڕێیا دانانا وێ کامیرەیێ، گرتەڤیدیۆیا وان ژنان تۆمارکریە کو سەرەدانا وان کرینە.

ئاماژە ب وێیەکێ ژی کریە، پشتی سکالا کچەکێ ل سەر وی خەیاتی (بەرگردری) ب فەرمانا دادوەری هاتیە دەستەسەرکرن، دبێژیت ژی، "تۆهمەتباری دانپێدان کریە، کو ئەو کار ئەنجامدایە".

پەیڤدارێ پۆلیسێن هەوڵێرێ بەحسا وێیەکێ ژی کر، "ئەو خەیات تەمەن ٣٧ سالیە و خێزاندارە و پۆلیس ڤەکۆلینا زێدەتر ژی دگەل دا دکەت".

ئەحەمەد مستەفا، هەولێر