سەرنووچە:

ڤیدیۆ.. ل دهۆکێ دوو کلێنس فرۆش کو فێلبازیەکا سەیر ل وەلاتیان کرنە هاتن دەستەسەرکرن

فۆتۆ: 
2021-01-24

1591 جار خوێندراوەتەوە

رێڤەبەرێ پۆلیسێن دهۆکێ ڕاگەهاند، دوو کەس ب توهمەتا فێلبازیکرنێ ژ ئالیێ پولیسێن بنگەهێ زاویتەی هاتنە دەستەسەرکرن کو ب رێیا فرۆتنا (کلێنسان) فێلبازی ل چەندین وەلاتیان کرنە.

 هێمن سلێمان پەیڤدارێ پولیسێن پارێزگەها دهۆکێ ب هەڤبەشی دگەل رێڤەبەرێ بنگەهێ پۆلیسێن زاویتە د پەرەیێن خۆیێن تۆڕا جڤاکیا فەیسبووکێ گرتەیەکا ڤیدیۆیێ دا بەلاڤکرنە تێدا دەردکەڤیت، کو دوو کەس دەستەسەرکرینە، پشتی کو وان کەسان برێیا فرۆتنا "کلێنسان" کو گۆتنە خەلکی هەرکارتۆنەکێ "مۆبایلێن گرانبەها یان زنجیرێن زێڕی" تێدانە، کارینە ب وێ ڕێیێ چەندین کەسێن ب تەمەن سارداببەن و فێل(حیلێ( لێ بکەن و پارەیەکێ زۆر ل وەلاتیان ب تایبەت کەسێن ب تەمەن وەربگرن.

هەڤدەم، ڕائید ئازاد رێڤەبەرێ بنگەهێ پولیسێن زاویتە ژی زێدەتر زەلال دکەت و ڕادگەهینیت، "کو وان توهمەتباران ب رێیا فرۆتنا کلێنسان کو گۆتنە خەلکی ئەگەر"هین پاکیتەکا کلێنسان بکڕن. بڕی هزار بۆ هزار و ٢٠٠ دۆلاران تێدانە. لهەمبەر دا یەک پاکیتا کلێنسان ب بڕی ٣٠٠ هزار دیناران ب خەلکی فرۆتنە، دیڤدا دەرکەتیە ئەو مۆبایل' ژ جۆرێ سینیێ( نەئەسلی) بووینە.

بەحسا وێیەکێ ژی دکەن، د نها دا دوو تۆهمەتبار ژ ئالیێ بنگەهێ پولیسێن زاویتەڤە هاتنە دەستەسەرکرن، و دان پێدان ب فێلبازیێن خۆ کرنە و پەرەیێن ڤەکۆلینێ ژی بۆ وان هاتنە ڤەکرن و دێ ڕوبڕوویێ دادگەهێ هێنەکرن.

ئەڤە د دەمەکێ دایە، ل اویا سالا دەربازبووی ٢٠٢٠، چەند کەسێن دی ب ڕیێا کۆمڤەکرنا هەڤکریان بۆ خەلکێن کێمدەرامەت و هەژدار فێل ل دەهان مارکێت و کەسێن بازرگان و خودان کومپانیان کربوو ، ب وێ رێیێ ژی دەهان دەهان ملیۆن دینارێن عێراقێ ل خەلکی وەرگرتن بوون، هەروەسا د ڤێ مەهێ ژی واتە مەها چلەیا ٢٠٢١ێ، ئەڤە جارا دوویێ یە، بەریا نها ژی تۆهمەتبارەک لسەر فێلبازیکرنێ ل شوفێرێن تەکسیان ل سنورێ پارێزگەها دهۆکێ هاتبوو دەستەسەرکرن.

س.ع