سەرنووچە:

عێراق کار لسەر دابینکرنا مووچەیێ خانەنشینی بۆ کارمەندێن کەرتێ تایبەت دکەت

فۆتۆ: 
2021-01-24

273 جار خوێندراوەتەوە

لژنەیا کار ل پەرلەمانێ عێراقێ ڕاگەهاند، چاڤەرێیا جڤاتا وەزیران دکەن بۆ گوهرینا ناڤ یاسایا کاریدا ئەنجامبدەت و پاشی پەرلەمان دەنگی لسەر بدەت. دبێژیت ژی، "مە دڤێت د ناڤ یاسایێ دا کومپانیا و خودانێن وانا پابەند بکەن بۆ دابینکرنا موچەیێ خانەنشینیێ بۆ کارمەندێن خۆ".

فازل فەتلاوی، ئەندامێ لژنەیا کار ل پەرلەمانێ عێراقێ بۆ ڕۆژناما سەباح یا فەرمی ڕاگەهاندیە، "پەرلەمان پێنگاڤان بۆ دەرخستنا یاسایەکا تایبەت بۆ کارمەندێن کەرتێ تایبەت دهاڤێژیت هەیاکو تێدا، هەمی مافێن وان ب دەستڤە بینن ".

دبێژیت، د ڤێ یاسایێ دا گەرەنتی بۆ دابینکرنا موچەیێ خانەنشینیێ بۆ کارمەندێن کەرتێ تایبەت دێ هێتەکرن.

بەحس ل وێیەکێ ژی کریە، ئەڤ یاسایە دێ بیتە دەرازینکەک بۆ ب سانەهیکرنا کارێ کرێکاران و هەڤدەم، دێ فشارا لسەر کەرتێ حکومی ژی کێمکەت.

ئەڤەژی د دەمەکێدایە، هەیا نها چ یاسایەکا بەرکار نینە ل عێراقێ کو مافێ تمام ب کرێکاران و کارمەندێن کەرتێ تایبەت بدەت، دناڤ وانژیدا دابینکرنا موچەیێ خانەنشینێ بۆ پشتی ژیێ کارکرنێ یێ وەلاتیان.