سەرنووچە:

"ل دهۆکێ نەخۆشخانەیەکا چاندنا مەژی دێ هێتە دروستکرن"

فۆتۆ: 
2021-01-24

437 جار خوێندراوەتەوە

رێڤەبەریا گشتیا ساخلەمیا دهۆکێ ڕاگەهاند، بریارە ل دەمەکێ نێزیک بەرێ بناغەیی بۆ دروستکرنا نەخوشخانەیەکا تایبەت ب چاندنا مێشکی ڤە بهێتە دانان. دبێژیت ژی، بۆ جارا یەکێ یە نەخوشخانەیەکا ب ڤی ئاوای لسەر ئاستێ عێراقێ بهێتە ڤەکرن.

ئەفراسیاب موسا، رێڤەبەرێ گشتیێ ساخەلەمیا دهۆکێ بۆ ڕۆپەلا فەرمی یا پارتی ڕاگەهاند، د دەمەکێ نێزیک دا بەرێ بنیاتێ دروستکرنا نەخوشخانەیەکێ بۆ چاندنا مەژی و پەنجەشێرا خوینێ ل باژارێ دهۆکێ دهێتە دانان، نێزیکی حەفت ملیار دینارێن عێراقی بۆ دروستکرنێ مەزاختنە، نەخوشخانە دکەڤیتە پشت نەخوشخانا هیڤی ل سەنتەرێ باژاری دهۆکێ.

ئەفراسیاب موسا ئاماژە ب وێیەکێ ژی کر، "نەخوشخانەیێ دێ کاریگگەریا خۆ هەبیت، چونکە لسەر ئاستێ عێراقێ بۆ جارا یەکێ یە نەخوشخانەیەک بۆ چاندنا ئێسکێ مەژی دێ هێتە ڤەکرن".

بەحسا وێیەکێ ژی کریە، بەریا نها نەخوشخانەیێن وەسا نەبووینە لسەر ئاستێ عێراقێ و کوردستانێ، "ژبەر وێیەکێ نەخوشخانەیەکا ب ڤی ئاوای گرنگە".