سەرنووچە:

کونسولگەریا ئیرانێ دەربارەی کورتە فلمێ بارزانی زەلالکرن دا

فۆتۆ: 
2021-01-24

1806 جار خوێندراوەتەوە

پشتی کو حکومەتا هەرێما کوردستانێ دەربارەی کورتەفلمێ "توکا" هایدارینامەیەک دایە کونسولگەریا ئیرانێ، کونسولگەریا گشتیا وی وەلاتی ڕاگەهاند، "دێ ڤەکولینێ ل بەرهەمئانینا وی کورتەفلمی کەین".

سەفین دزەی، سەرۆکێ فەرمانگەها پەیوەندیێن دەرڤەیا هەرێما کوردستانێ راگە هاند، "نەرازیەتیا هەرێما کوردستانێ مە گەهاندە کۆمارا ئیسلامییا ئیرانێ و مە هایدارینامەیەک دایە کونسۆلێ وی وەلاتی ل هەولێرێ".

ژ ئالیێ خۆ ڤەژی، نەسرۆلا رەشنودی، کونسولێ گشتیێ ئیرانی ل هەولێرێ د داخویانیەکا تلەفزیونی دا ئاماژە ب وێیەکێ کر، "قاسم سولەیمانی رێزەکا مەزن بۆ سەرکردەیێن هەرێما کوردستانێ هەبوو و ب هەمان رەنگ ژی ئیرانێ پەیوەندیەکا مێژوویی دگەل سەرکردەیێن کورد هەیە و بارزانی ژی هەلویستێ مە دزانیت کو دژی وان جورێن فلمانە".

گوت ژی، "هندەک ئالیان دڤین پەیوەندیێن مە تێک بدەن، ئەم دێ ڤەکولینێ لسەر بەرهەمئانینا وی فلمی کەین".

ل چەند رۆژێن دەربازبوویدا، ل سوشیال میدیایێن ئیرانی کورتە فلمەک بناڤێ "توکل" هاتە بەلاڤکرن و تێدا بەحس ل هەڤکاریێن قاسم سولەیمانی بۆ هەرێما کوردستانێ و نەکەفتنا هەولێرێ دکەت لسەر دەستپێکا هاتنا داعشێ دا.

هەر د وی فلمی دا، کارئەکتەرێ مەسعود بارزانی ژ هەڤکاریێن ئەمریکا بێ ئومێد دبیت و ئیرانی وەکو رزگارکەرێ خۆ دبینیت.