سەرنووچە:

سەقاناسیا عێراقێ دەما دووێ یا پێلا بەفر بارینێ ڕاگەهاند

فۆتۆ: 
2021-01-24

1827 جار خوێندراوەتەوە

ل گۆرەی پێشبینیێن حسێن ئەسەدی سەقاناس پێشکەفتیێ عێراقێ، ل چەند رۆژێن داهاتی دا، رەوشا سەقایێ سارێ زڤستانێ دێ بەردەوامبیت و ل رۆژا چارشەمبیا ڤێ حەفتیێ ژی رەوشەکا نوی یا سەقای دێ بەرەڤ هەرێما کوردستانی هێتن.

حسێن ئەسەدی، شارەزایێ پێشکەفتیێ سەقاناسیا عێراقێ د ڕاگەهاندنەکێ دا ئاماژە ب وێیەکی کریە، کو ئەڤرۆ و سبە پلەیێن گەرماتیێ دێ پچەکێ  بلندبن، لێ دوو سبە سێ شەمبی پلەیێن گەرماتیێ دیسان دێ نزم بن هەیا کو ل رۆژا چارشەمبی بران بارین دێ دووبارە دەستپیکەتن.

دبێژیت ژی، باران بارین دێ ل رۆژا پێنجشەمبی و ئەینی ژی  بەردەوام بیت، بتایبەتی ل پارێزگەها سلێمانیێ و هەولێر و دهۆک دێ بەفر دگەل دا بیت.

بەحسا وییەکی ژی کریە، ل دەڤەرێن رۆژئاڤا و ناڤەراستا عێراقێ دا ئەگەرسن باران بارینێ هەنە، لێ ئەو پێلا بەفر و باررانێ ژ ناوچەیێن باشورێ وەلاتی وی ناگریت.

ل چەند رۆژێن دەربازبووی، پێلەکا بەفر و بارانێ دەڤەرێن جودایێن هەرێما کوردستانێ ڤەگرت و باران ل  هەمی جهان باری و بەفری ژی بەشەکا زێدەیا ناوچەیان سپی کر.