سەرنووچە:

کازمی فەرمانا گۆهڕینان ل دەزگەهێن ئێمناهییێن عێراقێ دەرێخست

فۆتۆ: 
2021-01-21

80 جار خوێندراوەتەوە

ئەڤڕۆ پێنجشەمبی، مستەفا کازمی سەرۆکوەزیرێن عێێراقێ فەرمانا لسەرکار دەرێخستنا فەریق روکن عامر سەدام بریکارێ وەزیرێ نافخۆ بۆ کاروبارێن هەوالگیری دەرێخست و فەریق ئەحمەد ئەبورەغیفی بۆ وی پوستی راسپارد.

هەڤدەم، عەبدولکەریم عەبدولفازل ڕێڤەبەرێ گشتیێ هەوالگیری و نەهێلانا تیرۆرێ ل وەزارەتا نافخۆ لسەر کاری دەرێخست و حەمید شەتری جێگرێ سەروکێ دەزگەهێ ئاسایشا نشتیمانی بۆ ڕاپەراندنا ئەرکێ ئیدارەیی شانەی هەلو دەسنیشانکر و ئێخستە سەر شانەیا سەرکردایەتیا گشتیا هێزێن چەکدار.

فەریق قەیس مەحمەداوی سەرۆکێ ئۆپەراسیونێن پارێزگەها بەغداد ڤەگوهاست بۆ وەزارەتا بەرەڤانی و لیوا روکن ئەحمەد سەلیمی بۆ پرکرنا وی پوستی دەسنیشانکر.

هەر د چارچوڤێ گۆهڕیناندا، فەریق روکن جەعفەر بەتات سەرۆکێ پۆلیسێن فیدڕال لسەرکاری دەرێخست و فەریق روکن رائید شاکر جەودەتی بۆ پڕکرنا وی پوستی دەستنیشانکر.

هەڤئاوایێ بەرپرسێن دی، لیوا باسم مەجید ڕێڤەبەرێ هەوالگیریا ئۆپەراسیۆنێت پارێزگەها بەغداد ژ پوستێ وی دەرێخست.

ئەڤڕۆ پێنجشەمبی، ل بەغدایا پایتەختێ عێراقێ دوو تەقین ل ناڤچەیێن باب شێخ و گورەپانا تەیران روویدا و ب ئاخفتنا وەزارەتا ساخلەمیا عێراقێ ژی، ژئەگەرێ وێ چەندێ ٣٢ کەسا گیانێ خو ژدەستدایە و ١١٠ کەس ژی برینداربوون.