سەرنووچە:

بەریتانیا بێیئاگەهداری ٢٧٠ ملیۆن دۆلارا دهاڤێژیتە ناڤ زبلدانێ دا

فۆتۆ: 
2021-01-21

322 جار خوێندراوەتەوە

جەیمس هاولز، وەلاتیەکێ بریتانیە، ل سالا ٢٠١٣ێ دا هاردەکێ کومپیوتەرێ خۆ هاڤێتیە کو حەفت هزار و ٥٠٠ دڕاڤێ بیتکوین تێدابوو کو دبیتە ٢٧٠ ملیون دۆلارێن ئەمریکی.

ڕوپەلا بزنس ئینسایدەرا ئەمریکی بەلاڤکر، جەیمس هاولز، وەلاتیەکێ بەریتانیە و ئاکنجیێ وێلزە و هەڤدەم، کارمەندێ ئای تییە.

ئەو یەک ژی دیارکر، دوو هاردێن کۆمپیوتەری هەبوون، دانەیەک ژێ ب خەلەتی هاڤێتیە و وەسا زانیە کۆپیەک ل ژمارەیا بیتکوینال خۆ ل هاردێ دی دا هەلگرتیە.

د وی باری دا، جەیمس هاولز راگەهاندیە، ل سالا ٢٠١٣ێ دا ئەو هاردێ هاڤێتی ٧١ ملیون دۆلار وەکی دیاری ددەتە وی باژێری بۆ هندێ هاردێ وی ببینن.

داخاز ژی ل باژێرڤانیێ کریە هاریکاریا وی بکەن بو لێگەریان بدویڤ هاردێ وی دا، لێ ئەو داخازیا وی رەتکر ژ ئەگەرێ کاریگەریێن لسەر ژینگەها وێ ناڤچەیێ.

هەڤدەم ڕوپەلا سی ئێن ئێن بەلاڤکر، هاولز هزر د وێ چەندێ دا دکەت راوێژێ ب چەند بسپورێن بوارێ کومپیوتەری بکەت بۆ هندێ ئاسانکاریا بو بکەن ب ئامانجا ڤەگەریانا بەشەک ژ دڕاڤێ وی ل ژمارا ویا کەڤن دا.