سەرنووچە:

نەتەوێن هەڤگرتی: ٤٣ کوچبەر ل کەنار لێڤێن لیبیا خەندقین

فۆتۆ: 
2021-01-21

82 جار خوێندراوەتەوە

ئاژانسا کۆچبەرێن سەر ب نەتەوێن هەڤگرتی د ڕاگەهاندنەکێدا ئاشکرا کر، ب سەدەما وەرگەریانا بەلەمەکا کۆچبەران ل کەنارێن ئاڤیێن لیبیا، ٤٣ کۆچبەر خەندقین.

ئاژانسا کۆچ و کۆچبەرێن سەر ب نەتەوێن هەڤگرتی ڕاگەهاندیە، دوهی چارشەمبی ل ئاکاما وەڕگەریانا بەلەمەکێ دا ل کەنارێن ئاڤێ یێن لیبیا، ٤٣ کۆچبەرا گیانێ خۆ ژدەستدایە و ئەو ژی، پشتی کو خاستیە برێکا دەریایێ بگەهنە وەڵأتێن ئەوروپا.

لدیڤ ئاژانسا سەر ب نەتەوێن هەڤگرتی ژی، ئەڤڕۆ پێنجشەمبێ ١٢٠ کۆچبەر کو ل لیبیا بڕیککەفتبوون، ل دەریا سپی یا ناڤەڕاست ژ ئالیی تیمێن رزگارکرنا دەریاڤانی ژ مرنێ رزگارکرن، تێدا چار زاروک تێدابوون کو ئێک ژ وان ژیێ وی چار مەهە.

هەڤدەم، ئەڤە ژی ئێکەم روویدانا خەندقاندن و ژیان ژ دەستدانا کۆچبەرانە ل سالا نوی دا، ددەمەکێ دا ل سالا ٢٠٢٠ێ دا ب سەدان کەس ل دەما کوچکرنێ ل دەریایێ دا گیانێ خۆ ژ دەستدان.

ل داویێن سەدەیا دەربازبووی دا دیاردەیا کۆچکرنێ ب ئاوایەکێ بەرچاڤ بلندبوویە و شارەزایان ژی ئەگەرێن کۆچکرنێ بۆ خرابیا رەوشا خرابیا ژیانێ، کێمیا دەلیڤا کاری، نە سەقامگیریا ئەمنی و سیاسی، کێمیا خزمەتگوزاریێن ژیانا رۆژانە ڤەدگەرینیت.