سەرنووچە:

وەزیرێ ساخلەمیێ: دێ بوودجەیا پێتفی بۆ کڕینا ڤاکسینا کۆڕۆنایێ دابینکەین

فۆتۆ: 
2021-01-21

293 جار خوێندراوەتەوە

وەزیرێ ساخلەمیا هەرێمێ ڕاگەهاند، حکومەتا هەرێمێ ئامادەیا خۆ نیشاندایە ل دەما گەهشتن لهەڤهاتنێ بۆ کڕینا ڤاکسینا کۆرۆنایێ بوودجەیا پێتڤی بۆ دابینبکەت.

سامان بەرزنجی وەزیرێ ساخلەمیا حکومەتا هەرێمێ ل کۆنفرانسەکێ رۆژنامەڤانیدا ڕاگەهاند، دگەل گەهشتنا ڤاکسینا کۆرۆنایێ بۆ بەغدا پشکا هەرێما کوردستانێ دیارکریە و دێ گەهیتە دەستێ وان و ژ ئالیێ لژنەیەکا بسپورڤە  پلەبەندی بو وان کەسان کریە، کو دێ ڤاکسینێ دەنێ.

زەلالژیکر، دگەل چەند کومپانیێن بەرهەمهێنەرێن ڤاکسینێ د دانوستاندنێ دا نە بۆ کڕینا راستەوخۆ یا ڤاکسینێ، لێ بساناهی نینە ژبەرکو بەرهەمئیینانا ڤاکسینێ زێدەیا یا سنوردارە و بتنێ چەند کومپانیێت ناڤدەولەتی سەرکەفتن یا بدەستڤەئینای.

وەزیرێ ساخلەمیا هەرێمێ ئاماژە ب وێیەکێ ژی کر، بڕیارە داویا مەها دوو بەشێ ئێکێ یێ ڤاکسینا دژی کۆرۆنا بگەهیتە عێراقێ، لێ هەیا نها ئاشکرا نینە وی دەمی دێ گەهیت یان نە.

ئەو ژی د دەمەکی دایە، لدیڤ ئامارێن وەزارەتا ساخلەمیا هەرێمێ، ١٠٥ هزار و ٣٣٩ کەس توشی ڤایرۆسێ کۆرۆنایێ بوونە و ژ وێ ژمارێ ژی ٨٩ هزار و ٧٠٤ تووشبوو چێبووینەڤە و سێ هزار و ٤٤٨ توشبووان ژی ژیانا خۆ ژدەستدایە.