سەرنووچە:

سەرۆکایەتیا هەرێما کوردستانێ: ئامادەینە پێشوازیا بریندارێن هێرشێن بەغدا بکەین

فۆتۆ: 
2021-01-21

87 جار خوێندراوەتەوە

سەرۆکایەتیا هەرێما کوردستانێ پشتی تەقینا ئەڤرۆ یا پایتەختێ بەغدا ڕاگەهاندنەک بەلاڤکر و ئەو تەقینە شەرمزارکر و ب کارەکێ "تیرۆرستی" بناڤ کر، د بێژێت ژی، "ئامادەینە ل نەخوشخانەیێن خۆ پێشوازیێ ل بریندار و بەرکەفتیێن هێرشێ بکەین و هەمی خزمەتگوزاری و پێتڤیێن نوژداری یین پێتڤی پێشکێش بکەین".

دەقێ ڕاگەهاندنا سەرۆکایەتیا هەرێما کوردستانێ:

ب توندی وان هێرشێن تیرۆرستیێن خۆکوژیێ شەرمزار دکەین کو ئەڤرۆ ب رەنگەکێ دڕندانە وەلاتی کرنە ئامانج و ژمارەکا زێدە شەهید و برینداربوون.

پرسە و سەرەخوشیان ل مالباتێن وان دکەین و هەڤخەمێ وانین، هێڤیا  سەلامەتی و زوو چارەسەربوونێ بۆ برینداران دخوازین. هەرێما کوردستانێ ب هەمی رەنگا ئامادەیە ل نەخوشخانەیێن خۆ  پێشوازیێ ل برینداران  و بەرکەفتیێن هێرشێ بکەن و هەمی خزمەتگوزاریێن نوژداری پێشکێشی وان بکەین.

ئەڤ هێرشا تیرۆرستیانە نیشاندەرێ مەزنیا قەبارێ مەترسیا تیرۆرێ نە و ئالیێن پەیوەندیدار و هەمی هێزێن سیاسی یێن وەلاتی دێخنە بەر بەرپرسیاریا نشتیمانی بۆ تەبای و ییەکرێزی و هەڤبەشی و پێکڤەکارکرنێ لپێناڤ بەرەڤانیکرنا تحەدیان و دەربازکرنا وەلاتی ژ مەترسیێ و ئالوزی و ئاریشە و قەیرانان.