سەرنووچە:

پۆلیسێن دهۆکێ دەربارەی ڤەدیتنا تەڕمێ وەڵاتیەکێ زەلالکرن دا

فۆتۆ: 
2021-01-21

708 جار خوێندراوەتەوە

پەیڤدارێ پۆلیسێن دهۆکێ ڕاگەهاند، شەڤا دەربازبوویی ل سەنتەرێ باژێرێ دهۆکێ کەسەکێ کو مەی ڤەخاربوو ب تڕۆمبێلێ ل کەسەکێ دی دایە و کوشتیە و ئەڤرۆ ژی خۆ ڕادەستی وان کریە.

هێمن سلێمان پەیڤدارێ پۆلیسێن دهۆکێ د کۆنفرانسەکا ڕۆژنامەڤانی دا ڕاگەهاند، ل دەمژمێر دوویێ شەڤا دەربازبوویی تیمێن وان  هاتینە ئاگەهدارن، کو تەرمەک ل سەر جادەیەکێ هاتیە دیتن، پشتی پۆلیسێن بەلگێن گونەهان ل جهێ بویەرێ ئامادەبوین و دیفچوونا ڤێ کەیس کری، لاشێ وی هاتە رەوانە کرن بۆ نوژداریا داد.

دازانین ژی، پشتی ڤەکولین ل سەر تەرمێ وی هاتینەکرن، د راپورتا نوژداریا داد دا هاتیە کو ڤی کەسى ب بوویەرا هاتن و چوونێ ژیانا خۆ ژ دەستدایە.

بەحسا وێ یەکێ ژی کر، پشترا تومەتباری خۆ رادەستی هێزێن پۆلیسان کر، د ڤەکولینا پۆلیساندا وەسا هاتیە کو تومەتباری دانپێدانکریە، کو شڤێدی ل دەمژمێر دوو  گوندێ ئێمینکێ ڤەگەریایە بۆ سەنتەرێ باژێری، ل ژێر کاریگەریا مەی ڤەخارنێ ترۆمبێل هاژوتیە و ئەو ڕوویدان کریە.

هەروەسا گوتیە، "تومەتباری ژئەگەرێ ترسێ خۆ لێ نەکریە خودان، ژبەر ڤێ یەکێ سزایێێ وی توندترە، چونکی ئەگەر خۆ لێ کربا خودان دبیت ڤی گەنجی ژیانا خۆ ژ دەست نەدابا، د بیت پشتی وی ترۆمبێلەکا دیژی لێدابت".

پەیڤدارێ پولیسێن دهۆکێ بەحس ل وێیەکێ ژیکر، کو هێشتا ناسناما کەسێ ژیان ژ دەستدای دیار نینە.

ئەڤە د دەمەکیدایە کو زوربەیا راگەهاندنێن پولیسێن هاتنوچونێ تەکەز ل وێیەکێ دکەن کو ترۆمبێلێ ل ژێر کاریگەریا مەەی ڤەخارنێ نە هاژون ژبەرکو مەترسیە بوسەرژیانا وی و شوفێرێن دیژی.