سەرنووچە:

پولیسێن پارێزگەها دهۆکێ وەلاتیان هایدار دکەت

فۆتۆ: 
2021-01-21

630 جار خوێندراوەتەوە

پۆلیسێن دهۆکێ د پەیامەکێ دا بەلاڤکریە، داخازێ ژ وەلاتیان دکەین ل دەما دەرکەتنا وان بۆ گەشتێن بەفرێ بزان گەشتا وان بۆ کیڤەیە و دێ کەنگی دەرکەڤن.

رێڤەبەریا پولیسێن پارێزگەها دهۆکێ د تۆرا خۆ یا تایبەتدا ل فەیسبۆکی پەیامەک بەلاڤکریە و تێدا ئاماژە ب وێیەکێ کریە، ل سالا دەربازبووی پتریا بویەران ل دەمێن شەڤێ و ئاسێ مانا گەشتیاران هاتنە تومارکرن، لەورا داخوازێ ل وەلاتیان دکەین هاریکاربن و خۆ دویر بێخن ژ دیاردێن نەشارستانی وەکی:

۱ـ هاڤێتنا گولـلەیان و دیاردا تەقەکرنێ.

۲ـ هەلگرتن و بکارئانینا چەکی ب مەرەما نێچیرێ.

۳ـ ڤەخوارنا مەی ل جهێن گشتی و گەشتیاری.

٤ـ یاریکرن ب جادێ و هاژوتنا ترۆمبێلێ ب شێوەکێ نەدروست.

٥ـ قەستا جهێن بلند و ئاسێ و جهێن دیر نەکەن و هەتا دەمێن درەنگ نەمینن.

٦ـ دوربن ژ هەر چ دیاردەیەکا نەشارستانی یاکو دبیتە ئەگەرێ مەترسیێ بوو گیانێ هاولاتیان و رەوشا ئارامیا دەڤەرێ پێ دهێتە تێکدان .

ل داویێ ژی گوتیە، خوازیارین وەلاتی پتر دهاریکاربن و بۆ دیتنا هەر رویدان و بویەرەکێ ئاگەهداریا هێزێن ئەمنی و تیمێن ساخلەمیێ بکەن، ب هیڤیا دەمێن و خووش و ئارام بوو هەمی لایەکی.

ئەڤە ژی د دەمەکێ دایە، ل پتریا دەڤەرێن سنورێ پارێزگەها دهۆکێ بەفر باریە و وەلاتی و گەشتیار ژی ب مەرەما دەربازکرنا دەمێن خۆش سەرەدانا جهێن کو بەفرێ لێ باریە دکەن.