سەرنووچە:

کازمی بودجەیا ٢٠٢١ێ ڕەوانەی ئەمیندارەتیا جڤاتا وەزیران کر

فۆتۆ: 
2020-11-30

301 جار خوێندراوەتەوە

سەرۆککوەزیرێن عێراقێ، پرۆژەیا سایا بودجەیا ٢٠٢١ێ ڕەوانەی ئەمیندارەتیا جڤاتا وەزیران کر هەیا کو دەملدەست هویربینی بهێتەکرن و دیڤدا  ژی ڕەوانەی پەرلەمانی بهێتەکرن.

ئەڤرۆ دووشەمبێ، مستەفا کازمی سەرۆککوەزیرێن عێراقێ پرۆژەیاسایا بودجەیا ٢٠٢١ێ ڕەوانەی ئەمیندارەتیا جڤاتا وەزیران کر ب مەرەما هویربینی کرنێ.

ئەڤەژی د دەمەکی دایە، هەیا نها د ناڤبەرا هەرێم و بەغدایێ لهەڤهاتن لسەر پرۆژەیاسایا بودجەی نەهاتیەکرن و شاندا حکومەتا هەرێما کوردستانێ ژی نەچوویە بەغدا.

ئەڤەژی پشتی وێیەکێ دهێت، رۆژا ١٥ێ ڤێ مەهێ، پەرلەمانا عێراقێ پرۆژەیاسایا قەرێن سێ مەهێن داویا ٢٠٢٠ێ بێی رازیبوونا پەرلەمانتارێن کورد پەسەندکر و لگۆڕەی پرۆژە یاسایێ ژی، پێدڤیە هەرێما کوردستانێ پێگیربیت ب شاندنا وێ بڕە نەفتا کو کۆمپانیا سۆمۆ دیاردکەت، هەڤدەم، دەربازکرنا وی پرۆژەیاسایی ژی نەڕازیبوونا سێ سەرۆکایەیتێن هەرێما کوردستانێ لپەی خۆ دا ئینا.