سەرنووچە:

دەربارەی شاندنا مووچەیێ فەرمانبەرێن هەرێمێ زەلالکرن دهێتەدان

فۆتۆ: 
2020-11-29

2275 جار خوێندراوەتەوە

ئەندامەکێ لیژنەیا داراییا پەرلەمانێ عێراقێ ڕاگەهاند، دهێتە چاڤەرێکرن د چەند ڕۆژێن داهاتی دا بەغدا ٣٢٠ ملیار دینارێن مووچەی بۆ فەرمانبەرێن هەرێمێ بشینیت.

شیروان میرزا ئەندامێ لیژنەیا داریی ل پەرلەمانێ عێراقێ د بەرنامەیێ ٩٠ خولەکێ ئێن ئاڕ تی دا ڕاگەهاند، "بەغدا چاڤەڕێی چوونا شاندا هەرێمێیە و نەچوونا شاندا هەرێمێ بۆ بەغدا ئاریشەیە بۆ بودجەیێ ٢٠٢٠ێ" دبێژیت ژی، "دهێتە چاڤەرێکرن د چەند ڕۆژێن داهاتی دا بەغدا ٣٢٠ ملیار دیناران بۆ هەرێمێ بشینیت".

دیارکر ژی، "یاسایا قەڕی ڕێ ب شاندنا پارەی نادەت بۆ هەرێمێ و سەرۆک وەزیرێ عێراقێ دکاریت بتنێ ٣٢٠ ملیار دینارێن دی بۆ هەرێمێ بشینیت".

بەحسا وێ یەکێ ژی کر، "بەشەک ژ هێزێن عێراقی و ب تایبەت ئالیێن شیعە گڤاشتنێ لسەر مستەفا کازمی دکەن کو بێ لهەڤهاتن چ کۆژمەکێ پارەی بۆ هەرێمێ نەشینیت"، بەحسا وێ یەکێ ژی کر، "پشتی دوو حەفتیان ژ دەنگدانا پەرلەمانێ عێراقێ لسەر یاسایا قەڕی، چ شاندەکا هەرێمێ سەرەدانا بەغدا نەکریە و پێدڤیە هەرچ زوویەلهەڤهاتن د ناڤبەرا هەرێم و بەغدا دا بهێتەکرن".

ئەڤە ژی پشتی وێ یەکێ دهێت، کو نێزیکی ٥٠ ڕۆژانە فەرمانبەرێن هەرێما کوردستانێ مووچەیێ مەها ١٠ یا ئەڤسالە وەرنەگرتیە و هەیا نها ژی دەما پارڤەکرنا مووچەی دیار نینە.