سەرنووچە:

ل عێراقێ توشبوون و ژیان ژدەستدانێن ب کۆرۆنایێ کێمبووینە

فۆتۆ: 
2020-11-29

307 جار خوێندراوەتەوە

دەما ٢٤ دەمژمێرێن دەربازبوویی دا، ل عێراقێ هزار و ٦١٤ حالەتێن نوویێن توشبوون بە کۆرۆنایێ و دوو هزار و ٣٦٦ چێبوونەڤە و ٢٤ ژیان ژدەستدان هاتنە تۆمارکرن، کو شەش ژوان ل سلێمانیێ نە، چەند ڕۆژن ئەو باژارە د ناڤ تەڤاهیا باژاڕێن عێراقێ دا، زۆرترین ژیان ژدەستدان هەنە.

ئەڤرۆ یەکشەمبێ، وەزارەتا ساخلەمیا عێراقێ راگەهاند، د دەما ٢٤ دەمژمێرێن دەربازبوویی دا هزار و ٦١٤ حالەتێن نوویێن توشبوون ب کۆرۆنایێ هاتنە تۆمارکرن و ژ وێ هەژمارێ ژی، ٣٠٤ حالەت ژ وان ل هەرێما کوردستانێنە.

هەڤدم، ژ کۆما وان ٣٧٩ حالەتێن هەرێما کوردستانێ، ٩٨  ل هەولێرێ، ١٠١ ل سلێمانیێ و ١٠٥ ژی ل دهۆکێنە.

دیارکریە ژی، دوو هزار و ٣٦٦ کەس ژ نەخۆشیێ چێبووینەڤە، کو ٥٣٩  ژ وان ل هەرێمێنە ب ئاوایەکێ ١١٩ ل هەولێرێ، ٥٨ ل سلێمانیێ و ل دهۆکێ ٣٦٢ بوونە.

ساخلەمیا عێراقێ بەحسا وێیەکێ ژی کریە، ٢٤ کەسان ب نەخۆشیێ ژیانا خۆ ژدەستدانە کو ١٤ حالەت ژ وان ل هەرێمێنە، ب ئاوایەکێ ل هەولێرێ سێ، ل سلێمانیێ شەش و ل دهۆکێ ژی پێنج حالەتن.

لدیف داوی ئاماران، ھەیا نھا ٥٥٠ هزار و ٤٣٥ کەس ل عێراقێ توشی ڤایرۆسێ کۆرۆنایێ بووینە، ژ وێ ھەژمارێ ژی ١٢ هزار و ٢٢٤ کەسان ژیانا خۆ ژدەستداینە، ٤٨٠ هزار و ٩٠٣ کەس ژی ژ نەخوشیێ چێبووینەڤە.

لگۆری داویی ئاماران، ھەیا نھا ٩٦ ھزار و ٢٠١ حالەتێن توشبوون ب ڤایرۆسێ کۆرۆنایێ ل ھەرێمێ ھاتنە تۆمارکرن، ژ وێ هەژمارێ ژی ٦٠ ھزار و ١٦٥ کەس ژ نەخۆشیێ چێبووینەڤە و سێ ھزار و ١٣٢ کەسان ژی ژیانا خۆ ژدەستدانە.