سەرنووچە:

ل زاخۆ دەما پێنج ڕۆژانە دوو خۆشک بێسەروشینن

فۆتۆ: 
2020-11-29

705 جار خوێندراوەتەوە

دەما پێنج ڕۆژانە دوو زارۆکێن خۆشک ل قەزا زاخۆ د دەما کارکرنێ دا وەندابووینە و زێدەباری لێگەڕیانان، هەیا نها بێسەروشینن.

مالباتا وان دوو خۆشکان بۆ ئێن ئاڕ تی ڕاگەهاندن، دەما سالەکێیە ئەو دوو خۆشکە دگەل بابێ خۆ کارێ فرۆتنا کلینکسا دکەن و ڕۆژا ٢٤ێ ڤێ مەهێ چوینە سەرکاری، لێ ژ ئێڤاریا وێ ڕۆژێ ڤەیە نەڤەگەڕیاینە ماڵ و زێدەباری لێگەڕیان و دیڤداچوونێن وان هەیا نها بێسەروشینن.

دانەزانین ژی، کو ئەو خەلکێ باژاڕێ دێرکا ڕۆژئاڤایێ کوردستانێ نە و ل زاخۆ ئاکنیجنە و ناڤێن وان ژی ئیناز بەدەل و رەهەف بەدەلن و د تەمەنێن ١١ و ٩ سالیێ دانە.

بەحسا وێ یەکێ ژی کرن، کو وان ڕێڤەبەریا نەهێلانا گونەهباریان یا زاخۆ لسەر وێ دیارنەمانا وان دوو خۆشکان هایدارکرنە، لێ هەیا نها چ زانیاریەک لسەر نینە.

هەڤدەم، پۆلیسێن دهۆکێ دەربارەی ڤێ یەکێ بۆ ئێن ئاڕ تی ڕاگەهاندن، پێشتر ژی ئەڤ دوو کچە وندابووینە و پشتی لێگەڕیانان وان دیتنە و ڕادەستی مالا وان کرینە، بۆ ڤێجارێ ژی ئەو د بزاڤدانە و دیڤداچوونێ لسەر دیارنەمانا وان دکەن.