سەرنووچە:

پەرلەمانتارەکا کوردستانێ سەدەما نەڤەکرنا قوتابخانەیان ئاشکرا دکەت

فۆتۆ: 
2020-11-29

806 جار خوێندراوەتەوە

پەرلەمانتارەکا کوردستانێ ڕاگەهاند، هەموو جهێن گشتی لهەمبەر وەلاتیان هاتنە ڤەکرن و نەڤەکرنا دەرگەهێن قوتابخانەیان گرێدایی وێ یەکێیە کو حکومەتا هەرێمێ نکاریت مووچەی دابین بکەت.

ئاشنا عەبدوڵا ئەنداما پەرلەمانێ کوردستانێ لسەر پشکا فراکسیۆنا گۆڕانێ ڕاگەهاند، "دەستپێکرنا پرۆسەیا خواندنێ ل زانینگەهـ و قوتابخانەیان گرنگە، ژبەرکو هەموو سێکتەرێن دی هاتنە ڤەکرن و هەلکەفتێن جڤاکی ژی هەیا ڕادەیەکێ ئاسایی بووینە"، دبێژیت ژی، "نەڤەکرنا دەرگەهێن قوتابخانەیان گرێدایی وێ یەکێیە کو حکومەتا هەرێمێ نکاریت مووچەیێ مامۆستایان دابین بکەت".

دیارکر ژی، "حکومەتا هەرێما کوردستانێ ناخوازیت مامۆستا ل دەما ڤەکرنا دەرگەهێن قوتابخانەیان بایکۆتکرنێ وەک گڤاشتنەک بۆ داخوازکرنا مووچەیێن خۆ بکاربینن".

ئەڤە ژی پشتی وێ یەکێ دهێت، ئەڤرۆ یەکشەمبیێ پرۆسەیا خواندنێ ل چەند دەڤەرێن عێراقێ دەستپێکریە و حەفتیا دەربازبوویی ژی فەرمانبەر و مامۆستایان دوو مووچە ب هەڤرا وەرگرتن.

هەڤدەم، فەرمانبەرێن حکومەتا هەرێما کوردستانێ نها د داوییا مەها ١١ دانە و بتنێ مووچەیێ چار مەهێن ئەڤسالە (٢٠٢٠)ێ وەرگرتینە.

س.ع