سەرنووچە:

ل دهۆکێ رێکخراوەک بناڤێ هەژاران کوژمێ دوو ملیۆن دۆلاران ژ خەلکی وەردگریت

فۆتۆ: 
2020-11-29

631 جار خوێندراوەتەوە

پەیڤدارێ پۆلیسێن دهۆکێ ڕاگەهاند، ڕێخراوەک ب ناڤێ کارێ خێرخوازیێ نێزیکی دوو ملیۆن دۆلار ب رێیا فێلکرن (حیلە) ل بازرگان و کۆمپانیا و مارکێتێن سنورێ پارێزگەها دهۆکێ وەرگرتیە.

هێمن سلێمان پەیڤدارێ پۆلیسێن دهۆکێ بۆ ئێن ئاڕ تی ڕاگەهاند، کو مژدارا سالا دەربازبووی رێکخراوەک بناڤێ کارێ خێرخوازیێ و هەڤکاری کرنا هەژاران هاتیە دامەزاردن، و ڕابوویە ب وەرگرتنا  گاز و کەل و پەلێن  خوارنێ  ب قەر ژ کۆمپانی و بازرگان و مارکێتان، بناڤێ کارێ خێرخوازیێ بسەر وەلاتیان دا پارڤەبکەت، لێ ئەو کەل و پەل ب زێدەتر فرۆتنە کو نێزیکی کوژمێ ٢ ملیۆن دۆلاران بوویە.

بەحسا وێیەکێ ژی کر، ل دەستپێکا مەها مژدارێ نێزیکی ١٠ کەسان  سکلا ل بنگەهێن پۆلیسێن  دهۆکێ لسەر وێ رێکخراوێ تۆمارکرینە، و دیارکر ژی، دادگەهێ بڕیارا دەستسەرکرنێ بۆ پێنج کەسان کو د وێ ڕێکخراوێ دا کاردکەن دەرکریە گۆتژی، هەیا نها سێ ژ وان هاتنە دەستەسەکرن و لێگەڕیان ل دوو کەسێن دی ژی یا بەردەوامە.

پەیڤدارێن پۆلیسێن دهۆکێ ڕاگەهاند ژی، دهێتە چاڤەرێکرن کوژمێ وی پارەی زێدەتر بیت، ژبەر کە رۆژ ب رۆژا سکالایێن زێدەتر ل سەر وێ رێکخراوێ دهێنە ترمارکرن، و گۆتژی، دگەل زێدەبوونا سکالایان " سزادانا وان پێنج کەسان زێدەتر لێ دهێت".

سەرۆکێ رێکخراوەکا خێرخوازی ژی بۆ ئێن ئاڕ تی  راگەهاند، دگەل خرابوونا ڕەوشا دارایی و ئابوریاهەرێما کوردستانێ، ڕۆژ ب رۆژ ژین و ژیار و ڕەوشا دارایی و ئابووریا خەلکێ هەرێما کوردستانێ خراتبر لێ دهێت، ڤێ یەکێ وەکریە هندەک کەس خرابیا ڕەوشا هەرێمێ ب دەلیڤەببین و  ب رێیا کارێ خێرخوازیێ پارەی بدەست ڤەبینن و پەنایێ بۆ دامەزرادنا رێکخرا و سەنتەر و سندوقێن هەڤکاریێن و ببەن، لێ د بنەرت دا وان هەڤکاریان بۆ مەرەمێن دی بکاربینن.