سەرنووچە:

ترەمپ ب ڤی مەرجی کوچکا سپی بجیدهێلیت

فۆتۆ: 
2020-11-27

802 جار خوێندراوەتەوە

دۆناڵد ترەمپ سەرۆکێ نهایێ ئەمریکا راگەهاند، د دەمەکێ دا کوچکا سپی بجی دهێلە ئەگەر دەستەیا هەلبژارتنان دەنگی ب بایدنی بدەن، و دبێژیت، بەرهەڤ نینە د رێورەسمێن رادەستکرنا دەستهەلاتی دا بچیتە دەستێ بایدنی( تۆقەیێ) دگەل دا بکەت.

د کونفرانسەکێ رۆژنامەڤانیێ تایبەت ب جەژنا سوپاسگوزاریێ ژ ئالیێ رۆژنامەڤانەکێ ڤە پسیار ژ دۆناڵد ترەمپ هاتەکرن، ئەگەر دەستەیا هەلبژارتنان دەنگی ب بایدنی بدەن ل وی دەمی دێ ل کوچکا سپی مینی؟، د بەرسڤا خۆدا،ترەمپی پشتراستی دا یێ پێگیرە ب بریارێن وان، و گۆت ژی، "گەلەک بابەت مانە هەتا ٢٠ مژدارێ بهێنە یەکلاکرن".

بەحسا وێیەکێ ژی کر "دانپێدان ب شکەستنێ ساناهی نینە"، و دبێژیت ژی "د هەلبژارتێن ئەمریکا دا سەختەکاریێن زێدە هەبوونە".

دۆنالد ترەمپ، راگەهاندیە ژی، ئەو نەیێ بەرهەڤە د رێورەسمێن رادەستکرنا دەستهەلاتێ دا بچیتە دەستێ بایدنی و تۆقەیێ دگەل دا بکەت.

ئەڤەژی د دەمەکێ دایە، ل ٣ی ئەڤێ مەهی هەلبژارتنێن سەرۆکایەتیا ئەمریکا بریڤەچوون و پشتی دوو رۆژان ل هەلبژارتنان، میدیایێن ئەمریکا سەرکەفتنا جو بایدن بەربژێرێ دیموکراتان ڕاگەهاند، بەلێ هەتا نها ژی ترەمپ دانپێدان ب ئەنجامێن هەلبژارتنان نەکریە.