فۆتۆ:
2020-11-27
426 جار خوێندراوەتەوە
درەنگێ شەڤا دەربازبووی ژنەکا تەمەن نێزیک ٣٠ سالی ب ناڤێ 'سۆز عومەر' ب سەدەما تەزویا کارەبێ ژیانا خۆ ژ دەستدا.
یەک ژ کەس و کارین وێ ژنێ بۆ ئێن ئاڕ تی ڕاگەهاند، " ل نێزیک دەمژمێر ١٠ێ شەڤا پێنجشەمبێ، سوز عومەر مژولی کارێ ناڤ مالاخۆ بوویە و د وی دەمی دا، کارەبێ گرتیە و پێش بگەهینە نەخۆشخانەیێ ژیانا خۆ ژ دەستدایە".
بەحسا وێیەکێ ژی کر، سوز عومەر، شی کریە و خودان زارۆکەکا کچە، و د دەما ڕێکخستنا مالا خۆ درەنگێ شەڤا دەربازبووی کارەبێ گریتە و دەملدەست ژیانا خۆ ژ دەستدایە.
ئەڤە د دەمەکێ دایە، کێمتر ژ مەهەکێ سێ کەسێن دی ل سنورێ پارێزگەها دهۆکێ ب سەدەما گرتنا کارەبێ ژیانا خۆ ژدەستدانە، کو یەک ژوان ژنەکا دووگیان بوو، د هەمان دەم دا ژی خودانا سێ زارۆکان ژی بوو، گەنجەکێ دیێ تەمەن ٣٠ سالی ژی کو ئەو ژی ئاکنجیێ گوندەکێ دیێ سنورێ ئاکرێ بوو، د دەما کاری دا کارەبێ گرت و وی ژی ژیانا خۆ ژ دەستدا.هەروەسا گەنجەکێ دیێ ٢٥ سالی کو ئەو ژی ئاکنجیێ گوندێ کانیسپان ل قەزا بەردڕەش بوو، ب سەدەما گرتنا کارەبێ وی ژی ژیانا خۆ ژ دەستدا.
س.ع