سەرنووچە:

د تەقینەکێ دا ل سەرێ کانیێ سێ کەس هاتنە کوشتن

ل رۆژئاڤایێ کوردستانێ
فۆتۆ: 
2020-11-27

438 جار خوێندراوەتەوە

نوچەگەهانێ ئێن ئاڕ تی ڕاگەهاند، ب سەدەما تەقینا ترۆمبێلەکا بۆمبەکری ل سەرێ کانیێ سێ کەس هاتنە کوشتن و پێنجێن دی ژی برینداربوون.

کاوە ئەدهەم، نوچەگەهانی ئێن ئاڕ تی ڕاگەهاند، سپێدەهیا ئەڤرۆ ئەینیێ، ٢٧ێ مژدارا ٢٠٢٠ێ، ترۆمبێلەکا بۆمبەکری ل گوندێ جەنب ل رۆژئاڤایێ باژێرێ سەرێ کانیێ یا ڕۆژئاڤایێ کوردستانێ تەقیایە و ب وێ سەدەمێ ژی سێ کەس هاتنە کوشتن و پێنج کەسێن دی ژی برینداربوونە.

بەحسا وێیەکێ ژی کریە، ئەو ترۆمبێلا بۆمبەکری ب بارەگەهەکێ چەکدارین نزیک ژ تورکیا ب ناڤێ "أحرار الشرقية" تەقیایە و زەرەرێن زۆرێن ماددی ژی بەر بارەگێ وان کەفتنە.

دایەزانین ژی، برینا هندەک ژ برینداران گەلەک دژوارە و ب مەرەما وەرگرتنا چارەسەریێن نوژداری بۆ نەخۆشخانەیێ هاتنە ڤەگوهاستن.

ئەڤە د دەمەکێ دایە، کو٢٤ێ ڤێ مەهێ د دوو تەقینێن جودا دا ل هەریەک ژ باژێرین عەفرین  و باب، ل رۆژئاڤایێ کوردستانێ هەشت کەس هاتنە  کوشتن و نێزیکی ٤٠ کەسێن دی ژی برینداربوون.

س.ع