سەرنووچە:

سەرۆکێ فراکسیۆنا نەوەی نوێ: حکومەتێ جورئەت نینە بهێتە پەرلەمانی

فۆتۆ: 
2020-10-27

219 جار خوێندراوەتەوە

سەرۆکێ فراکسیۆنا نەوەی نوێ ڕاگەهاند، حکومەتێ جورئەت نینە بهێتە پەرلەمانی، دبێژیت ژی، مە دەنگ دا بۆ هەلوەشاندنا حکومەتێ، هەڤدەم، سەرۆکێ فراکسیۆنا کۆمەلێ ژی ڕاگەهاند، "ئەم دێ چینە قۆناغەکا دی ئەو ژی، وەرگرتنا باوەریێ یە ژ ڤێ حکومەتێ.

کازم فارۆق سەرۆکێ فراکسیۆنا نەوەی نوێ د کۆنفرانسەکا رۆژنامەڤانی دا ڕاگەهاند، '' ئەم سەر بلندین بەرامبەری خەلکی و خودێی و مە دەنگ نەدایە بۆمانەڤا حکومەتەکێ، کو موچە و نانێ خەلکی بڕییە و دەرچۆیێن زانکۆ و پەیمانگەهان دانامەزرینیت، لدیڤ تەخەروجێ گەنج ژبەر بێکاریێ بەرەڤ وەلاتێن دەرڤە دچن.

سەرۆکێ فراکسیۆنا نەوەی نوێ دیارکر ژی، ئەوێن دەنگ دای بۆ مانەڤا حکومەتێ  وان دەنگ یێ دای بۆ بڕینا موچێ خەلکی .

کازم فارۆق راگەهاند ژی، دگەل فراکسیۆنێن دی یێن ئۆپۆزسیۆنێ  دژی ڤێ نە عەدالەتیێ و زولمێ ڕاوەستاینە و مە دەنگدایە  بۆ وەرگرتنا باوەریێ ژ حکومەتێ، کو کارێن نەیاسایی دکەت و داخاز دکەین ب زووترین دەم هەلبژارتن بهێنە کرن و حکومەتەکا نوو بهێتە دروست کرن.

هەڤدەم، عەبدولستارمەجید سەرۆکێ فراکسیۆنا کۆمەلێ ژی ئەو یەک دیارکر، "پێدڤی بوو سەرۆکێ حکومەتێ و جێگرێ وی ئەڤرۆ ل پەرلەمانی بەرهەڤبان و بەرسڤا پرسیارێن پەرلەمانتاران دابانە، لێ بتنێ راپۆرتەک یا هنارتی، کو بەرسڤێن وان بۆمە باوەرپێکری نە بوون".

بەحسا وێ یەکێ ژیکر، "د ڤی دەمی دا ئەم دێ چینە قۆناغەکا دی ئەو ژی، وەرگرتنا باوەریێ یە ل حکومەتێ، ئەگەر ڤێ حکومەتێ باوەری لێ بهێتە وەرگرتنەڤە دێ بیتە کابینەکا کار برێکەر و دڤێت ب زووترین دەم هەلبژارتن بهێنە کرن".

عەبدولستار مەجید دبێژیت ژی، ئەڤرۆ وەک فراکسیۆنێن ئۆپۆزسیۆن، کو مە داخازا پرساندنا حکومەتێ کربوو د ناڤ پەرلەمانی دا مە ئەڤ راستیە بەحسکرن و مە گۆت، " بڕینا موچێ خەلکی کارەکێ نە یاساییە و مە دەنگ دا ب هەلوەشاندن و وەرگرتنا باوەریێ ژ ڤێ حکومەتێ".