سەرنووچە:

​بهایێ لیرەیێ تورکی ب رێژەیەکا بەرچاڤ داکەفت

فۆتۆ: 
2020-10-27

538 جار خوێندراوەتەوە

بهایێ لیرەیێ تورکی د بۆرسێ دا ژ داکەفتنێ بەردەوامە کو ١٠٠ دۆلارێن ئەمریکی بەرامبەر ٨١٥ لیرەیێن تورکی مامەلە پێ دهێتەکرن.

ئەڤڕۆ سێشەمبێ، ئاژانسا رویتەرز بەلاڤکر، د بۆرسا تورکیا دا یەک دۆلارێ ئەمریکی هەمبەر هەشت لیرە و ٤٠ سەنتایە، د دەمەکی دا د حەفتیا دەربازبووی دا یەک دۆلارێ ئەمریکی هەمبەر حەفت لیرە و ٩٠ سەنتا بوو.

دبێژیت ژی، ئەڤڕۆ ١٠٠ دۆلارێن ئەمریکی د بازارێن تورکیا دا هەمبەر ٨١٥ لیرەیان مامەلە پێ دهاتەکرن،

رویتەرزێ بەحسا وێ یەکێ ژی کر، بەشەکا داکەفتنا بهایێ لیرەیێ تورکی ڤەدگەرێت بۆ لاوازبوونا باوەریا وەلاتیێن تورکیا ب دراڤێ وەلاتێ خۆ، هەڤدەم نەجێگریا رەوشا سیاسی و ئابوری یا وی وەلاتی و ئالۆزیێن تورکیا د پەیوەندیێن دەرڤەدا ب تایبەتی ل دەریایا ناڤەراست و دەستێڤەدانا ئاریشەیێن د ناڤبەرا ئازەربایجانێ و ئەرمینیا دا باندۆری لسەر داکەفتنا بهایێ لیرەیێ تورکی هەیە.

هەڤدەم، تورکیا دڤێت سیستەمێ بەرەڤانیا رۆسی ( ئێس ـ ٤٠٠) تاقی بکەت، ڤێ یەکێ ژی نەرازیبوونا ئەمریکا لپەیبوو و گەفێن سەپاندنا سزای ب سەر تورکیا دکەت،  دەربارەی وێ یەکێ ، رەجەب تەیب ئەردۆغان سەرۆک کۆمارێ تورکیا ڕاگەهاند بوو،  "وەلاتێ من گوهـ نادەتە سزایێن ئەمریکا".