سەرنووچە:

داراییا پەرلەمانێ عێراقێ: هەیا نها موچەیێ ڤێ مەهێ نەهاتیە دابینكرن

فۆتۆ: 
2020-10-25

354 جار خوێندراوەتەوە

ئەندامەکێ لیژنەیا پەرلەمانێ عێراقێ ڕاگەهاند، پەرلەمان نکاریت دەنگی لسەر قەرێن رەها بدەت، ئەڤە دوماهییا مەهێ یە و موچێ فەرمانبەرێن عێراقێ نەهاتیە تەمویلكرن و ئەڤەژی رەنگە ب رامانا پاشخستنا موچەی بیت.

جەمال کۆچەر ئەندامێ پەرلەمانێ عێراقێ ب میدیایێن ناڤخۆ ڕاگەهاند، نابیت پەرلەمان دەنگی لسەر یاسایا قەرێن رەها بدەت و رێیێ بدەتە حکومەتێ هەردەمێ ڤیا قەران بکەت، ئەو ژی دیارکر، رێدان ب قەران لێکەفتێن نەچاڤەرێکری دێ لێکەڤنەڤە.

ئاماژە ب وێژیکر، رێدانا حکومەتێ بۆ قەران دێ رێیێ خۆشکەت بێی چاڤدێری هەردەمێ ڤیا قەران بکەت، ژبەر وێژی پێتڤیە دەم و بڕی دەستنیشان بکەن و مەرجی بۆ دابنێت.

بەحسا وێژیکر، تا نها مووچەیێ ڤێ مەهێ یێ فەرمانبەرێن عێراقێ دابین نەکرییە، دەنگدان لسەر پرۆژە یاسایا قەران ژی پێتڤی ب دەمی یە ژبەر ڤێ ژی ئەگەرێ پاشخستنا مووچەی هەیە.

چەند رۆژەکان بەریا نها، وەزارەتا داراییا عێراقێ ڕاگەهاند، پابەندن ب دا بەشکرنا مووچەی و دهەولا دانانا نەخشەرێیەکێ دانە بۆ دابینکرنا خەرجیێن سەرەکی یێن سێ مەهێن داهاتی یێن ئەڤ سالە.

د دەمێ بووری دا وەزارەتا دارایی یا هەرێما کوردستانێ لیستا مووچە خۆرێن هەرێمێ هەڤتەریبا لیستا موچێن فەرمانبەرێن عێراقێ کرییە و ڕاگەهاند، لسەر خواستا بەغدا بوو ب مەبەستا دابەشکرنا مووچەیە د هەمان دەمێ دابەشکرنا فەرمانبەرێن حکومەتا فیدڕال.