سەرنووچە:

دەزگەهێ لوتکە کەسوکارێن وان کۆچبەرێن کوردێن ل میسرێ هاتنە ڕزگارکرن ئاگەهدار دکەت

فۆتۆ: 
2020-10-24

438 جار خوێندراوەتەوە

دەزگەهێ لوتکە ڕاگەهاند، ب مەرەما هەڤکاری و کارئاسانی بۆ وان کۆچبەرێن کوردێن ژ ئالیێ هێزێن دەریایێن میسرێ ڤە هاتنە ڕزگارکرن و د نها دا گرتینە، داخوازێ ژ کەسوکارێن وان دکەت بەلگەنامەیێن پێدڤی بگەهیننە دەست دەزگەهی دا دیڤداچوونێ بۆ بکەن.

دەزگەهێ لوتکە بۆ کاروبارێن پەنابەران د ڕاگەهاندنەکێ دا دازانین، پێدڤی پێکدهێن ژ پاسپۆرتا عێراقی، کۆپیا کارتا نیشتیمانی یان پێناسا بارێ شارستانی و جنسیە دگەل هەژمارەیا تەلەفۆنا کەسوکار و جهێ ئاکنجیبوونا کۆچبەری ل پارێزگەهێن هەرێمێ کوردستانێ یان عێراقێ.

دەزگەهێ ناڤبری هەژمارەکا تەلەفۆنێ بۆ گەهاندنا بەلگەنامەیان بەردەستکریە کو پێکدهێت ژ ٠٧٧٠٩٦٧١٥٥١.

دوهی هێزێن دەریایێن میسرێ ڕاگەهاند، هێزێن وان بەلەمەکا ڤەگوهاستنا کۆچبەران ل دەریایا ناڤەڕاست ڕزگارکرنە کو ئالایێ تورکیا هەلگرتبوو و چەندین وەلاتیێن کورد و عەرەب ژی تێدابوونە.

س.م