سەرنووچە:

'تورکیا و ئیران ب بالەفرێن بێ بالەفرڤان هێرش دکەنە سەر پەکەکێ ل هەرێمێ'

فۆتۆ: 
2020-10-01

563 جار خوێندراوەتەوە

ئاژانسا فرانس ٢٤ ڕاگەهاند، تورکیا و ئیران دێ بالەفرێن بێ بالەفرڤانێن پێشکەفتی بۆ هەرێما کوردستانێ هنێریت ب مەرما هێرشکرنا سەر پەکەکێ ل قەندیلێ، ئەڤێ ژی ترس یا ئێخستیە دلێ وەلاتیێن دەڤەرێ.

ئاژانسا فرانس ژ زارێ محەمەد حەسەن سەرۆکێ باژێرڤانیا قەندیل بەحس ژ وێ یەکێ کریە، بنگەهێن سەربازیێن تورکیا ل چیایێن سنورێ عێراقێ مەترسی ئێخستیە سەر پەکەکێ، دبێژیت ژی، بالەفرێن هند ب نزمی د فڕن ئاکنجیێن قەندیلێ ب چاڤان وان دبینن.

هەڤدەم، پارتا دیموکراتا کوردستانا ئیرانێ کو ئۆپۆزسیۆنا چەکداریا وی وەلاتیە، ئاڤاهی ل بنارێ چیایێ قەندیل هەنە، ب وێ یەکێ ژی حکومەتا تەهرانێ ژی بەردەوام برێکا بالەفرێن بێ بالەفرڤان چاڤدێریا سنورێن هەرێما کوردستانێ دکەت.

ئاژانسێ بەحسا وێیەکێ ژی کریە، پشتی ڕاگەهاندنا ئۆپراسیۆنا پەنجا بازی د مەها هەزیرانێ دا ژ ئالیێ تورکیاڤە بۆ سەر دەڤەرێن سنوریێن هەرێمێ ب مەرەما لێدانا بارەگاهێن پەکەکێ، ب گوتنا ئاکنجیێن وێ دەڤەرێ، بکارئینانا بالەفرێن بێ بالەفرڤانێن تورکیا ب شێوەیەکێ یەکجار زوور زێدە بووینە.