سەرنووچە:

ئالۆزیێن د ناڤبەرا ئازربایجان و ئەرمینیا بەردەوامن

فۆتۆ: 
2020-10-01

507 جار خوێندراوەتەوە

شەر و ئالۆزیێن د ناڤبەرا ئازربایجان و ئەرمینیا دا بەردەوامن، سەرۆکێ ئازربایجانێ ژی ڕاگەهاند، دێ بەردەوام بن لسەر شەرکرنێ هەیا هێزێن ئەرمینیا دەڤەرێ چول دکەن.

ئیلهام ئالیف سەرۆکێ ئازربایجانێ ژی ڕاگەهاند، تنێ یەک بژاردە ل بەردەستێ وانە ئەو ژی ئەوە کو هێزێن چەکداریێن ئەرمینیا ب تەمامی و دەملدەست ئاخا قەرەباخ بجهپێلن، ئەگەر نە دێ لسەر هێرشێن خۆ بەردەوام بن.

هەڤدەم، هەر یەک ژ ئەرمینیا و ئازربایجانێ ئامارێن جودایێن کوشتی و برینداران بەلاڤ دکەن، وەزارەتا بەرەڤانیا ئازربایجانێ ڕاگەهاند، هەیا نها دوو هزار و ٣٠٠ سەربازێن ئارتێشا ئەرمینیا کوشتینە.

ژێدەرێن ئەرمینیا ژی بەلاڤکرینە، هەیا نها ١٠٤ سەرباز و ٢٣ وەلاتیێن سڤیل هاتنە کوشتن و زێدەتر ژ ٢٠٠ کەسان ژی برینداربووینە.

ئەرمینیا و ئازربایجان ل سالا ١٩٩١ێ وەرە دژی هەڤدوو د شەران دانە لسەر هەرێما ناگۆرنۆ قەرەباغ کو هەرێمەکا سەربەخویە، لێ هەیا نها چ وەلاتەکێ دانپێنەدانایە، کو د بنەرەت دا بەشەکە ژ ئازربایجانێ و ژ ١٥% یا ئاخا وێ پێکدئینیت، لێ ئاکنجیێن وێ ب رەگەز ئەرمەنن.