سەرنووچە:

جڤاتا وەزیرێن هەرێمێ داخاز ژ بەغدا کر بلەزترین دەم بەشە بودجەیا وێ دابین بکەت

فۆتۆ: 
2020-09-30

350 جار خوێندراوەتەوە

جڤاتا وەزیرێن هەرێما کوردستانێ داخاز ژ حکومەتا فیدڕاڵی کر بلەزترین دەم بەشە بودجەیا هەرێمێ دابین بکەت، پێشنیارا وەزارەتا دارایی ژی دەربارەی لێبرینا ١٨%ێ ژ موچەی پەسەند کر.

د جڤینا خۆ دا جڤاتا وەزیرێن هەرێمێ داخاز ژ حکومەتا فیدرالی کر بلەزترین دەم بەشە بودجەیا هەرێمێ دابینبکەت، د نێزیکترین دەرفەت دا دگەل داهاتێ ناڤخویێ هەرێمێ موچەی دا پارڤە بکەن.

هەر د جڤینێ دا پێشنیارا وەزارەتا دارایی و ئابوری ژی پەسەند کر، ژ بۆ وێیەکێ کو لێبرینا موچەی ژ ٢١%ێ ببیتە ١٨%ێ، لگوری ڕاگەهاندنا جڤینێ، جڤاتا وەزیران تەکەزیێ ل پاراستنا ئێمناهی رەوشا عێراقێ دکەت، هەڤدەم گرنگیێ ب پاراستنا ئاسایشا باڵیۆزخانە و نڤیسینگەهـ و شاندێن دیبلۆماسی ل بەغدا دکەت، تەکەزی ژی کریە، تێکچونا ڕەوشا عێراقێ د بەرژەوەندیا هەرێما کوردستانێ و وەلاتیێن عێراقێ دا ب گشتی نینە.

پرسا کەرکوکێ و دەڤەرێن ئاریشە تێدا تەوەرەکێ دیێ سەرەکی بوو د جڤینێ دا، هەروەسا هەر یەک ژ وەزیرێ ناڤخو و وەزیرێ هەرێمێ بۆ کاروباروبارێن دانوستاندنێ، ڕاپورتەک دەربارەی دەستپێکرنا دانوستاندنان دگەل حکومەتا فیدڕالی دەربارەی دەڤەرێن کوردستانێ یێن دەرڤەی هەرێمێ پێشکێشکر، کو ژ لایێ لیژنەیا دانوستاندنان هاتبوو بەرهەڤکرن، جڤاتا وەزیران نەخشەرێک و پلان و راسپاردە و  پێشنیارێن وان پەسەند کر و لیژنەیێ ژی هنارت بوو بۆ دەستپێکرنا جێبەجێکرنێ و بەردەوامی دان ب بزاڤێن دەربازبویێن دوسەیێ