سەرنووچە:

بالیۆزێ بەریتانیا ل بەغدا: بالیۆزخانەیا مە بۆ هەولێرێ ناهێتە ڤەگوهاستن

فۆتۆ: 
2020-09-30

200 جار خوێندراوەتەوە

بالیۆزێ بەریتانیا ل بەغدا ڕاگەهاند، وان چ پلانەک نینە بۆ ڤەگوهاستنا بالیۆزخانەیێ ل بەغدا بۆ هەولێرا پایتەختا هەرێما کوردستانێ.

ئەڤڕۆ سێشەمبیێ ،ستیڤین هیکی، بالیۆزێ بەریتانیا ل عێراقێ د داخویانیەکا رۆژنامەڤانی دا دەنگویێ ڤەگوهاستنا بالیۆزخانەیا ولاتێ وان بۆ هەولێرێ رەتکر و ڕاگەهاند، "هیڤیدارم هەڤکاری و پشتەڤانیەکا زێدەترا دامەزراوەیێن حکومەتا عێراقێ بهێتەکرن، پێدڤیە بۆمبەبرانا سەر شاندیێن دپڵوماسی بهێتە راوەستاندن".

ئەڤ داخویانیا بالیۆزێ بەریتانیا د دەمەکی دایە، ئەمریکا بەرهەڤیان دکەت بۆ ڤەکێشانا بالیۆزخانەیا خۆ ل بەغدا، ئەڤێ ژی مەترسیا وێ چەندێ هەیە کو عێراقێ بکەتە گورەپانا بەریەککەفتنا سەربازی د ناڤبەرا واشنتۆن و تەهرانێ دا.

هەڤدەم، چەند ژێدەرێن سەربازیێن ئەمریکا ئاماژە ب وێ یەکێ کریە، ڤەکێشانا تیما دپلۆماسی بەرهەڤکاریە بۆ دەستپێکرنا پرۆسەیەکا سەربازی ل دژی ئێران و میلیشیاتێن نێزیک وێ ل عێراقێ.

س.م