سەرنووچە:

بریکارێ وەزارەتا پەروەردێ: ٩٠٠ گوندێن هەرێمێ هێلا ئینتەرنێتێ تێدا نینە

فۆتۆ: 
2020-09-28

311 جار خوێندراوەتەوە

بریکارێ وەزارەتا پەروەردە ڕاگەهاند، د ٩٠٠ گوندێن هەرێمێ دا قوتابخانە هەنە لێ هێڵا ئەنتەرنێتێ  تێدا نینە، دبێژە ژی،‌ ڕێ ناهێتە دان مامۆستا و قوتابی بێی ماسك بچنە ناڤ پۆلان ڤە.

سەیوان عەلی بریکارێ وەزارەتا پەروەردەیا هەرێمێ د چاڤپێکەفتنەکێ دا دگەل دەنگێ ئەمریکا ڕاگەهاند، سه‌رژمێری و ڤەکۆلین کرنە و نێزیكی‌ ٩٠٠ قوتابخانه هەنە د گوندان دا كو ئینته‌رنێت نەگەهیشتیە وان  و گۆتنە ژی پێدڤیە وان خواندنگەهان دەوام بکەن و دەربازی پۆلان ببن  و دگەل ڕێکارێن ساخلەمیێ  دوەوام بکەن، ژبەرکو هەژمارا قوتابیان یا کێمە و هەر گوندەکێ نێزیکی  ١٥ قوتابی هەنە.

دەربارێ  دەستپێکرنەڤەیا خواندنێ ژی دبێژە، هه‌ر قوتابیه‌كێ بۆ قوتابیه‌كا دن  د ‌هه‌می ئاراستەیان دا دڤیت هەری کێم ئێک مه‌ترو نیڤ دووربن ژ هەڤدو، دبێژە ژی هه‌می  قوتابی و مامۆستەیەکی پێدڤیە ماسك کەبیت.

بەحسا وێ یەکێژی کریە، کو مفا ژ مامۆستەیێن قوناغێن دن دبینن بۆ گۆتنا وانەیان ب پۆلێن ئێک و دوویێ بنگەهی و ١٢ێ ئامادەیی، دبێژە ژی د دەمەکی دا کو پۆلێن دن ب ئاوایێ  ئەلکترۆنی وانەیێ دخوێنن پۆلێن دن ڤاڵادبن و هەژمارا خواندەڤانان د پۆلەکی دا  کێمدبن، هەڤدەم مامۆستە ژی ژ بلی قۆناغێن دن وانە بۆ وان پۆلان دبێژن کو دەوام دەکەن.

دایەزانین ژی ،حكومه‌تێ پاره‌ دابین كریە ‌ بۆ وێ کو د هه‌می قوتابخانه‌ و پۆلان دا ئامێرێ پیڤانا گەرمیێ هه‌بیت و‌ گه‌رمیا قوتابیان بپیڤیت بەریا کو دەربازی ناڤ پۆلان ببن ،ئاماژە  ب وێ یەکێ ژی کریە کو حكومه‌ت پێنج سەد و چل ملیۆن دیناران دانایە  بۆ بابه‌تێ ئامێرێن گەرمیێ و ماددهێن پاقژكرنەڤەیا ناڤ پۆلان .