سەرنووچە:

ڤیدیو.. بالەفرەکا سەربازیا ئۆکرانی کەفتە خارێ ٢٢ کەسان ژیانا خۆ ژدەست دا

فۆتۆ: 
2020-09-26

291 جار خوێندراوەتەوە

بالەفرەکا سەربازیا ئۆکرانی لدەمێ دادانێدا کەفت و ب سەدەما وێ یەکێ ژی ژ کۆما ٢٧ سەرنشینان ٢٢ کەسان ژیانا خۆ ژدەست دان.

وەزارەتا ناڤخۆیا ئۆکرانیا د راگەهاندنەکێ دا ئاماژە ب وێ یەکێ کریە، کو ئەو بالەفرە ژ جورێ ئەنتۆنۆڤ ئانت ٢٦ بوو، هژمارەکا خواندەکاران ل پەیمانگەها هێزا ئاسمانی یا ئۆکرانی ل خارکیف هەلگرتینە، لێ لدەمێ دادانێدا بالەفر کەفتیە خارێ.

هەڤدەم، سەرنشینێن بالەفرێ ٢٧ کەس بوون کو خواندەکارێن هێزا ئەسمانیا زانکویا خارکیف بوون، لدەمێ راهێنانێدا بوون، تێدا ٢٢ کەسان ژیانا خۆ ژ دەست دایە، دوو کەس ب دژواری برینداربوون و  سێ کەس ژی هەیا نها نە هاتینە دیتن.

جێگرێ وەزیرێ ناڤخۆیێ ئۆکرانیا ژی راگەهاند، هەیا نها سەدەما کەفتنا بالەفرێ نەهاتیە زانین، ڤەکۆلین لسەر وێ بویەرێ یا بەردەوامە.