سەرنووچە:

سەرۆکێ حکومەتا هەرێمێ داخوازا ڕۆنشتنا تایبەتا پەرلەمانی دکەت

فۆتۆ: 
2020-09-26

340 جار خوێندراوەتەوە

سەرۆکێ حکومەتا هەریمێ داخوازا ڕۆنشتنا تایبەتا پەرلەمانێ کوردستانێ دکەت و بڕیارە د ڕۆنشتنێ دا گۆتارەکێ لسەر چەند پرسان پێشکەش بکەت.

ڕووپەلا حکومەتا هەرێما کوردستانێ ڕاگەهاند، "بڕیارە د چەند ڕۆژێن داهاتی دا، لسەر داخوازا مەسرور بارزانی سەرۆکێ حکومەتا هەرێما کوردستانێ، پەرلەمانێ کوردستانێ ڕۆنشتنەکا تایبەت ڕێکبێخیت و تێدا سەرۆکێ حکومەتێ لسەر جیبجیکرنا کارنامەیا چاکسازیێ یا کابینەیا نەهێ و ڕێڕەوێ گۆتۆبێژێن دگەل حکومەتا فیدرالی و شرۆڤەکرنا ڕەوشا دارایی و ساخلەمیا نهایا هەرێما کوردستانێ و لێکەفتێن زێدەبوونا ڤایرۆسێ کۆرۆنایێ، گۆتارەکێ پێشکەش دکەت".

دیارکریە ژی، "لگۆری ماددەێ ٦٦ یێ بڕگەیا دوویێ ژ پەیڕەوێ ناڤخۆیێ پەرلەمانێ کوردستانێ، سەرۆکوەزیر دکاریت داخوازا ڕۆنشتنا پەرلەمانی بکەت ژبۆ کو زەلالکرنێ لسەر بابەتەکێ بدەت و پێدڤیە دەستەیا سەرۆکاتیا پەرلەمانێ کوردستانێ ژی د دەمەکا دیارکری دا کو ١٤ ڕۆژان دەربازنەکەت وێ ڕۆنشتنێ ڕێکبئێخیت."

ئەڤە ژی پشتی وێ یەکێ دهێت، د دەمێن دەربازبوویی دا داخوازیەک ل پەرلەمانی تایبەت ب پرساندنا سەرۆکێ حکومەتا هەرێمێ هاتە ئیمزاکرن کو ٢٣ ئیمزایێن پەرلەمانتار پێدڤیە، تێدا تەڤاهیا ئەندامێن فراکسیۆنێن نەوەی نوێ، کۆمەل، یەکگرتوو ئیمزا لسەر کرن و ل فراکسیۆنا گۆڕان ژی دوو ژنێن پەرلەمانتار ئیمزا کرینە، د نها دا ژی تنێ یەک ئیمزا مایە هەیا کو سەرۆکێ حکومەتێ بیننە پێش پەرلەمانتاران و لێپرسین دەربارەی لێبڕینا مووچەیێ فەرمانبەران لێ بهێتە کرن.

س.م