سەرنووچە:

بەربژێرێ پێکئینانا حکومەتا لوبنانێ خۆ ڤەکێشا

فۆتۆ: 
2020-09-26

190 جار خوێندراوەتەوە

ژبەر لهەڤنەهاتنا لایەنێن ساسیێن وی وەلاتی لسەر پێکئینانا حکومەتێ، مستەفا ئەدیب بەربژێر بۆ سەرۆکوەزیرێ نوویێ لوبنانێ خۆ ژ بەربژێریێ ڤەکێشا.

میدیایێن لوبنانێ بەلاڤکرن، کو مستەفا ئەدیب راگەهاندیە، ئالیێن سیاسیێن وەلاتێ وی مژیلی شەرێ هەڤدوونە و ناخوازن یان د شیاندا نینە حکومەتەکا نووی بۆ وەلاتێ خۆ پێکبینن، ئەڤەژی بوویە ئەگەرێ خوڤەکیشان ژ بەربژێریێ بۆ سەرۆک وەزیرا داهاتی.

مستەفا ئەدیب پشتی تەقینا مەزن یا دەستپێکا مەها تەباخا دەربازبوویی ل بەیروت، ب ناڤبژیڤانیا فەرەنسا بەربژێرێ سەروکوەزیرێ بهێت یێ لوبنانێ دەستنیشانکر، لێ پشتڕا کێمتر ژ دوو مەهان وی بەربژێری خۆ ڤەکێشا و گوت، کو نەشێت حکومەتێ پێکبینیتن.

ژ دۆماهیا سالا دەربازبوویی ڤەیە، خۆنیشاندان و نەڕازیبوونێن وەلاتیێن لوبنانێ بەردەوامن، هەر لبن گڤاشتنا وان دا ژی حکومەتا بەرێ ب سەرۆکاتیا سەعەد حەریری دەست ژ کارکێشا.