سەرنووچە:

پەرلەمانا عێراقێ بۆ گوتوبێژکرنا بازنەیێن هەلبژارتنان دێ جڤیت

فۆتۆ: 
2020-09-26

235 جار خوێندراوەتەوە

بریارە ئەڤرو پەرلەمانێ عێراقێ ب مەرەما تەمامکرنا گوتوبێژکرنێ دەربارەی بازنەیێن هەلبژارتنان بجڤیت.

لگورەی خشتێ کارێن پەرلەمانێ عێراقێ بریارە ئەڤرو دەمژمێر ١٢پشتی نیڤرۆ رونشتنا ئاسایی یا هەژمارە ٩ یا وەرزێ یاسادانانێ یا یەکەما سالا دووەما یاسادانانێ ل خولا چارەما هەلبژارتنان برێڤەبچیت.

لگورەی خشتێ کاری رونشتنێ د ئێک برگە دا پێکدهێتن کو پێکهاتیە ژ گوتوبێژکرنا تایبەت د بازنەیێن هەلبژارتنان دا د یاسایا هەلبژارتنان دا.

٣١ێ تیرمەها ئەڤسالە کابینەیا نویا حکومەتا عێراقێ دەمێ هەلبژارتنێن بەروەخت دیارکر و راگەهاند، ٦ێ هەزیرانا ٢٠٢١ێ، هەلبژارتنێن بەروەختێن جڤاتا نوینەرێن عێراقێ دێ هێتە ئەنجامدان، داخواز ژ وەلاتیان و ئالیان کر، خۆ بەرهەڤ بکەن بۆ هەلبژارتنان.

لبن گڤاشتنا خۆنیشاندەران بڕگەیا فرەبازنەیی د یاسایا هەلبژارتنان دا بنەجهکربوو، بەلێ د نهادا بەشەک ژ ئالیێن سیاسی د بزاڤا وێ یەکێ دانە یاسایێ سەراست بکەن،هەیا جارەکادی یەک بازنەیی تێدا بهێتە چەسپاندن.