سەرنووچە:

وەزارەتا ئاڤەدانکرنێ: هێلا شەمەندەفەرێ ب سێ قۆناغان دێ هێتە چێکرن

فۆتۆ: 
2020-09-23

841 جار خوێندراوەتەوە

پەیڤدارێ وەزارەتا ئاڤەدانکرنێ و ئاکنجیبوونا هەرێمێ ڕاگەهاند، پرۆژەیێ هێلا شەمەندەفەرێ ب سێ قۆناغان دێ هێتە چێکرن و قۆناغا یەکێ د دەمەکێ نێزیک دا دەستپێ دکەت، د ێژیت ژی،" پرۆژە دێ ل سەرتاسەری هەرێمێ بیت".

مەریوان مەلا حەسەن پەیڤدارێ وەزارەتا ئاڤەدانکرنێ و ئاکنجیبوونا هرێمێ ب رۆپەلا فەرمیا پارتی ڕاگەهاندیە،" جێبجیکرنا چەندین پرۆژەیێن گرنگ د پلانا وەزارەتا ئاڤەدانکرێ دانە، ژ وان پرۆژەیێ درۆستکرنا هێلا شەمەندەفەرێ و تونێل و ریێم بلەز، لێ پرۆژەیێ هێلا شەمەندەفەرێ د دەمەکێ نێزیکا دەستپێدکەت و بۆ وێ مەرەمێ ژی کۆمەکا کۆمپاینیێن ئەوروپی بەرهەڤیا خۆ نیشاندایە هەیا کو وی پرۆژەی ئەنجامبدەن".

بەحسا وێیەکێ ژی کر،" وەلاتێ ئیسپانا ژی ب رێیا بالیۆزێ خۆ ل عێراقێ بەرهەڤیا کۆمپانیێن خۆ نیشاندایە کو ئەزمونا خۆ بۆ درۆستکرنا هێلا شەمەندەفەرێ ل هەرێما کوردستانێ بئخێنە کار".

ئەڤە ژی د دەمەکێ دایە، ل ١٧ێ ڤێ مەهێ، مەریوان مەلا حەسەن ڕاگەهادبوو، وەزارتا ئاڤەدانکرنا حکومەتا هەرێمێ ب ژڤانە هێلا شەمەندەفەرێ ل سەرتاسەرێ کوردستانێ دامەزرینیت و  دێ ئەڤسالەژی گرێبەستا وێ هێتە ئەنجامدان.