سەرنووچە:

دەستەیا دەستپاقژیا عێراقێ ئامارا خۆ یا سێ مەهێن دەربازبوویی بەلاڤکر

فۆتۆ: 
2020-09-23

255 جار خوێندراوەتەوە

دەستەیا دەستپاقژیا عێراقێ راگەهاند، د دەما سێ مەهان دا ب تۆهمەتا دەست هەبوون د گەندەلیێ دا ٨٥ تۆهمەتبار هاتنە دەستەسەرکرن.

لگۆری ڕاگەهاندنەکا فەرمانگەها ڤەکۆلینان یا دەستەیا دەستپاقژیا عێراقێ ل دەستپێکا مەها گۆلانێ هەیا مەها تەمموزێ ژبلی دەستەسەرکرنا وان تۆهمەتباران، کۆژمێ ٢٧ ملیار و ٤٠٠ ملیۆن دیناران بۆ خەزینا دەولەتێ هاتنە ڤەگەڕاندن.

بەحسا وێ یەکێ ژی کریە، کو دەستەسەرکرنا وان کەسان و ڤەگەراندنا وی کۆژمێ پارەی بۆ خەزینا دەولەتێ ژ ئەنجاما ٩٧ هەوان بوویە کو ل بەغدا و پارێزگەهێن دی هاتنە ئەنجام دان.

فەرمانگەها ڤەکۆلینان ل دەستەیا دەستپاقژیا عێراقێ ڕاگەهاندیە ژی، هەر د وان هەوان دا دەست بسەر دەهان مامەلەیێن ساختەیێن خانوبەرە و خانەنشینیێ دا گرتنە.