سەرنووچە:

ل شێخان کەسەک ب تۆهمەتا کوشتنا گەنجەکی هاتە دەستەسەرکرن

فۆتۆ: 
2020-09-23

918 جار خوێندراوەتەوە

پۆلیسێن دهۆکێ ڕاگەهاند، "ل شێخان تاوانبارەک ب تۆهمەتا کوشتنا گەنجەکێ هاتە دەستەسەکرن".

هێمن سلێمان پەیڤدارێ پۆلیسێن دهۆکێ بۆ ئێن ئار تی ڕاگەهاند، "ل دەمژمێر ٩ێ شەڤا ٢١ێ ڤێ مەهێ پۆلیسێن شێخان هاتبوونە هایدارکرن لسەر دیتنا لاشەیێ گەنجەکێ ٢١ سالی لسەر ڕێیا کۆمەلگەها مەهەتێ یا گرێدایی قەزا شێخان کو ب گولەیان هاتبوو کوشتن".

دیارکر ژی، "پشتی ٢٤ دەمژمێران ژ ڤەکۆلینا پۆلیسێن نەهێلانا گۆنەهباریان ل شێخان، کارین تاوانباری دەستەسەر بکەن کو خەلکێ کۆمەلگەها مەهەتە و دان ب تاوانا خۆ دانایە".

بەحسا وێ یەکێ ژی کر، "کو سەدەما کوشتنێ ژی بۆ ئاریشەیەکا جڤاکی د ناڤبەرا دوو مالباتان دا و پارەی ڤەدگەڕیت و لگۆری مادەیی ٤٠٦ دێ سەرەدەری دگەل دا هێتە کرن".

س.م