سەرنووچە:

دەما شاندنا ٣٢٠ ملیارێن بەغدا هاتە ئاشکراکرن

فۆتۆ: 
2020-09-23

1453 جار خوێندراوەتەوە

نووچەگەهانێ ئێن ئاڕ تی ڕاگەهاند، حکومەتا عێراقێ پشتی پارڤەکرنا مووچەیێ فەرمانبەرێن خۆ، کۆژمێ ٣٢٠ ملیار دیناران بۆ هەرێمێ دشینیت، کو دکەتە ڕۆژێن د ناڤبەرا پێنچشەمبیێ و یەکشەمبیا داهاتی.

ئومێد محەمەد، نووچەگەهانێ ئێن ئاڕ تی ل بەغدا ڕاگەهاند، حکومەتا عێراقێ پشتی پارڤەکرنا مووچەیێ فەرمانبەرێن خۆ کو بریارە ڕۆژا پێنجشەمبیێ ٢٧ێ ئیلۆنا ٢٠٢٠ێ، دەست ب پارڤەکرنێ بکەت، د ناڤبەرا ڕۆژێن پێنجشەمبیێ ٢٤ێ ئیلۆنێ هەیا کو یەکشەمبیێ ٢٧ێ ئیلۆنێ دا بەغدا کۆژمێ ٣٢٠ ملیار دیناران بۆ هەرێمێ دشینیت، دبێژیت ژی، حکومەتا عێراقێ د کریزا داراییدایە و کۆژمێ نیڤ ترلیۆن دیناران قەرکریە هەیا کو بکاربیت مووچەیێ فەرمانبەران پارڤە بکەت.

دیارکریە ژی، حکومەتا عێراقێ بۆ پارڤەکرنا مووچەیێ فەرمانبەرێن خۆ قەرکرینە و چەند رۆژان ژی پارڤەکرنا مووچەیێ فەرمانبەرێن وەزارەتێن عێراقێ گیرۆبوویە و ڤێ ژی وەساکریە شاندنا ٣٢٠ ملیارێن بەغدا بۆ هەرێمێ گیرۆببیت.

ئەڤە ژی پشتی وێ یەکێ دهێت، فەرمانبەرێن هەرێمێ د مەها ئیلۆنێ دانە و حکومەتێ ژی هەیا نها مووچەیێ مەها نیسانا ئەڤسالە یێ فەرمانبەران پارڤەنەکریە، ئەڤە زێدەباری کو مووچەیێن هەریەک ژ مەهێن سبات و ئادارێ ب شێوازێ لێبڕینا ٢١%ێ پارڤەکریە.

س.م