سەرنووچە:

دادگەها تورکیا دەربارەی ئازادکرنا سەلاحەدین دەمیرتاشی بڕیاردا

فۆتۆ: 
2020-09-22

2388 جار خوێندراوەتەوە

جارەکا دی دادگەها تورکیا ڤەکۆلین دگەل سەلاحەدین دەمیرتاش و فیگەن یوکسەکداغ ئەنجامدا و بڕیاردا، دەمێ گرتنا وان درێژتر بکەت و نەهێنە ئازادکرن.

ب هیجەتا نەڕازیبوون لسەر هێرشێن تورکیا بۆ سەر کۆبانێ، تورکیا، ل ٢٩ێ ئیلۆنا ٢٠١٩ێ سکالا سەر هەریەک ژ  سەلاحەدین دەمیرتاش و فیگەن یوکسەکداغ هەڤسەرۆکا بەرێ یا هەدەپێ تۆماکر و ڤەکۆلینان ژی لسەر وێ سکالایێ دەستپێکر  و ل ١٨ێ ئیلۆنا ئەڤسالە ل لقا دوویێ یا دادگەها سولحی ل ئەنقەرە بێ ئاگەهدارکرنا پارێزەرێن وان دەست ب ڤەکۆلیان هاتبووکرن.

لەوەند کانات، پارێزەرێ ناڤبریان ڕاگەهاند، وان نەکاریە هویرکارێن سکلایێ و ڤەکۆلینێ و ببین و دبێژیت ژی،" ژبەر کو داواکریا گشتی داخوازا سزایێن گران نەکربوو، بوویەر ژی نەهاتبوو تۆمارکرن هەیا کو ببیتە بابەتێ دادگەهیکرنێ، ئەڤا هاتیەکرن ژی بەرۆڤاژی یاسا و مافێن مرۆڤانە".

سەلاحەدین دەمیرتاش و فیگەن یوکسەکداغ ل سالا ٢٠١٤ێ وەک هەڤسەرۆکێن پارتا گەلان هەدەپێ هاتنە هەلبژارتن و ل بەریا دەمێ تەمامکرنا سەرۆکایەتیێن وان هەردووک ژ ئالیێ دادگەها گشتیا تورکیا هاتنە دەستەسەرکرن و هەیا نها ژی د زیندانێ دا مانە.