سەرنووچە:

سێ سەرۆکاتیێن عێراقێ و سەرۆک فراکسیۆنێن پەرلەمانی جڤیان

فۆتۆ: 
2020-09-22

260 جار خوێندراوەتەوە

ل کۆچکا کۆماری ل بەغدا هەر سێ سەرۆکایەتیێن عێراقێ و سەرۆکێ جڤاتا بلندا دادوەری و هەژمارەک ژ سەرکردەیێن هێزێن سیاسی و سەرۆک فراکسیۆنێن پەرلەمانی جڤیان و تەکەزی لسەر  ئەنجامدانا هەلبژارتنا  بەروەخت کرن.

د داخویانیەکا هەڤپار دا هەرسێ سەرۆکايەتيان بەلاڤکرنە، گۆتوبێژێن ئەشکەرە و هەمی ئالی دەربارێ داوی پێشهاتێن ئەولەهی و سیاسی لسەر ئاستا ناڤخۆیی و هەرێمی و ناڤدەوڵەتی، هەروەسا بودجەیا فیدڕالیێ کرنە و تەکەزی لسەر گرنگیا ئەنجامدانا هەلبژارتنا بەروەخت کریە.

هەڤدەم، تەکەزی لسەر پێدڤیا لەزکرنا جڤاتا نوینەران لسەر پەسەندکرنا رەشنڤیسا داویێ یا  یاسایا نوویا هەلبژارتنان ب تەمامی  و د نێزیکترین دەم دا.

بەحس ژی لسەر پێدڤیا بتنێ پشتگرێدان ب پسولەیا بایۆمەتری بۆ هەلبژارتنا  داهاتی کرنە، هەڤدەم داخواز ژ کۆمیسیۆنا هەلبژارتنان کریە و تەڤاهیا رێکارێن پێدڤی بگریتەبەر داکو دەنگدەر پسولەیا دەنگدانێ وەرگرن و ئاوارە و پەنابەران د وێ پێنگاڤێ دا نەهێنە ژبیرکرن.

هەروەسا، ئاماژە ب گرنگیا رۆڵا نەتەوەیێن هەڤگرتی هاتیە کرن ژ پشتەڤانیا کۆمیسیۆنێ و بهێزکرنا شیانێن وێ بۆ ئەنجامدانا هەلبژارتنان و چاڤدێریکرنا بڕێڤەچوونا پرۆسەیێ کو شەفاییەتا پرۆسەیێ پشتراست بکەت.