سەرنووچە:

کاوە عەبدولقادر: ژبەر فێلبازیێن بەرپرسێن هەرێمێ چەند سالە بەغدا پارەیێ گەنمێ جوتکاران پاشداخستیە

فۆتۆ: 
2020-09-20

166 جار خوێندراوەتەوە

پەرلەمانتارەکێ کوردستانێ ڕاگەهاند، ل سالا ٢٠١٤ێ، بەرپرسێن هەرێمێ دەست خستنە دناڤ شاندنا گەنمێ جوتکاران دا بۆ بەغدا و بڕەکێ زۆر ژ گەنمێ خراب ل سوریا و ولاتێن دی ب بهایەکێ ئەرزان کڕین و دگەل گەنمێ جوتکارێن کوردستانێ ل سایلۆیان تێکهەل کرن و شاندنە. دبێژیت ژی، "ئەو فێلبازیە بوویە سەدەما نەشاندنا پارەیێ گەنمێ جوتکاران".

کاوە عەبدولقادر، پەرلەمانتارێ فراکسیۆنا نەوەی نوێ ل پەرلەمانێ کوردستانێ ڕاگەهاند، "حکومەتا عێراقێ ب ڤان فێلبازیا زانی و پارەیێ جوتکارێن هەرێمێ ڕاگرت و نەشاند، بڤێ ژی زەرەرەکا زۆر بەر ب جوتکاران کەفت و ب وێ سەدەمێ ژی چەندین سالە پارەیێ جوتکاران گیرۆدبیت و ناهێتەدان، هەیا وەلێهات مام حەجیەکێ جوتکار بزاڤا دەستماچیکرنا سەرۆک وەزیرێ عێراقێ بدەت هەیا ئەو ژی شایستەیێن دارایی کو مافێ وانە بۆ بشینن".

بەحسا وێ یەکێ ژی دکەت، "د دەمێن دەربازبوویی دا، جارەکا دی وان بەرپرسێن بازرگان دەستکرن ب کارێ قاچاغیا زێڕی ب ڕێیا بالەفرخانەیان، ئەو ژی ب شاندن و ئینانا زێڕێ ب ڕێیا بالەفرخانەیێن سلێمانی و هەولێرێ ب نەیاسایی".

ئەو یەک ژی گوتیە، "حکومەتا عێڕاقێ بڤێ زانی و بڕیارا ڕاگرتنا شاندنا زێڕی دەرکر ب ڕێیا ڤان دوو بالەفرخانەیان، ڤێ ژی وەسا کر کو زەرەرەکا زۆر بەر ب زێڕینگرێن هەرێمێ بکەڤیت و باندۆریا تەمام لسەر بازاڕێ زێڕی د هەرێمێ دا دروست کر".

ناڤبری دازانین ژی، "نها سەحکەنێ میللەتێ مە چاوا باجا فێلبازی و قاچاغچیا ڤان بەرپرسێن بازرگان ددەت و ئەڤ دەستهەلاتدارێن هەرێمێ چاوا بوونە بار لسەر ڤی میللەتێ مەزلومە و ئەڤە چ ڤایرۆسێن مەترسیدارن بسەر لاشەیێ وەلاتیان.

س.م