سەرنووچە:

ئەمریکا دەربارەی سەپاندنا سزایان بسەر ئیرانێ بڕیار دا

فۆتۆ: 
2020-09-20

241 جار خوێندراوەتەوە

وەزیرێ دەرڤەیێ ئەمریکا ڕاگەهاند، سزایێن سەر ئیرانێ کەفتنە د بیاڤێ جیبجیکرنێ دا و هەر کەس پێگیر ژی نەبیت دێ هێتە سزادان.

مایک پۆمیۆ وەزیرێ دەرڤەیێ ئەمریکا د ڕاگەهاندنەکێ دا دەستپێکرنەڤا سزایێن ناڤدەولەتی بسەر ئیرانێ دا ڕاگەهاند، دیارکر ژی، کو سەرۆکاتیا جڤاتا ئاسایشا ناڤدەولەتی هاتیە ئاگەهدارکرن لسەر وان بنپێکاریێن مەزنێن کو ئیرانێ ئەنجام داین و ب تەمامی پێگیری پلانا لهەڤهاتنا ئەتۆمیی نەبوویە.

دازانین ژی، لگۆری ناڤەڕۆکا بڕیارێن هەژمارە ١٦٩٦ و ١٧٣٧ و ١٨٠٣ و ١٨٣٥ و ١٩٣٩ کو لگۆری بڕیارا هەژمارە ٢٢٣١ هاتبوون جەمداندن، ل سپێدەهیا ئەڤرۆ یەکشەمبیێ هەموو سزا هاتنە کاراکرن و دچنە بیاڤێ جیبجیکرنێ دا.

هەروەسا دبێژیت، "ئەڤ سزایە ڕێگریکرنە ژ هێڤێنکرنا یۆرانیۆمی و پێشڤەبرن و تاقیکرنا مووشەکێن بالیستی و شاندنا هەر پرۆگرام و تەکنەلۆجیایەکێ کو گرێدایی بەرنامەیێن ئەتۆمی بن".

بەحسا وێ یەکێ ژی کر، ئەگەر ولاتێن ئەندام د نەتەوەیێن هەڤگرتی دا پێگیرنەبن ب سزایان، وی دەمی ئەمریکا بەرهەڤە هەموو دەستهەلاتێن ناڤخۆیی بکاربینیت بۆ سەپاندنا سزایان بسەر وی ولاتی دا.

س.م