سەرنووچە:

٣٠ ملیۆن کەس ژبرسان دبن گەفێن مرنێ دانە

فۆتۆ: 
2020-09-19

299 جار خوێندراوەتەوە

رێڤەبەرێ جیبجیکارێ خوارنێ ل جیهانێ داخواز ژ ملیاردێرێن جیهانێ کر، دەستێ هەڤکاریێ بۆ زێدەتر ژ ٣٠ ملیۆن مرۆڤان درێژکەن کو د نها دا ژبەر برسیەتیێ دبن گەفێن مرنێ دانە.

دەیڤد بیزلی، رێڤەبەرێ جیبجیکارێ بەرنامەیێ خوارنا جیهانێ ل نەتەوەیێن هەڤگرتی راگەهاند، " نها دەمێ هندێ یە د هەوارا مرۆڤان دا بچن و هەڤکاریا وان بکەن و ڕزگاربکەن، جیهانێ پێدڤی ب هەوەیە و نها دەمێ هندێ یە کارەکێ درۆست ئەنجامبدەن".

بەحسا وێیەکێ ژی کریە، پێدڤیا مە ب ٤ ملیار و ٩٠٠ ملیۆن دۆلارە بۆ سالەکێ بۆ دابینکرنا خوارنێ بۆ ٣٠ ملیۆن مرۆڤان، کو ئەگەر د دەمەکێ نێزیک دا هەڤکاری و خوارن نەگەهیتێ دێ ژ برسان مرن".

بیزلی گۆت ژی، " د نها دا لسەرتاسەری جیهانێ دا ٢٧٠ ملیۆن کەس ب دەست برسیبوونێ دنالینن و توشی کێمخوارنێ بوونە".

داتایێن جیهانی ژی دەربارەی ملیاردێران دبێژن، د نها دا  نێزیکی ٢ هزار ملیاردێر لسەرتاسەری جیهانێ هەنە و کو سامانێ وان دگەهیتە ٨ ترلیۆن دۆلاران، زێدەباری وێیەکێ کو هەژمارەکا وان د دەما بەلاڤبوونا کۆرۆنایی چەندین ملیارێن دی ب دەستختنە.