سەرنووچە:

قەدەغەیا هاتن و چوونێ یا د ناڤبەرا دهۆک و پارێزگەهێن دیێن هەرێمێ دا هاتە هەلگرتن

پشتی بەیاننامەیا ئەڤرۆیا وەزارەتا ناڤخۆ
فۆتۆ: 
2020-08-21

1127 جار خوێندراوەتەوە

پارێزگارێ دهۆکێ راگەهاند، ژ ئەڤرۆ ڤە قەدەغەیا هاتن و چوونا پارێزگەها دهۆکێ دگەل پاڕیزگەهێن دن یێن هەرێمێ هەیا ئاستەکی دێ ئاسیی ببە، لێ دگەل پارێزگەهێن عێراقێ دێ مەرجدار بیت.

عەلی تەتەر د کۆنفرانسەکا رۆژنامەڤانی دا ئەشکەرە کر، وان بریار دایە خارنگەهـ و کافێ و جهێن گەشتیاری بێن ڤەکرن، لێ پێدڤیە ئەو جهە پێگیری ڕێنمایی و ڕێکارێن ساخلەمیێ بن.

دەربارێ ڤەکرنا مزگەفتان ژی دیارکر، ل دهۆکێ بریار هاتیە داین مزگەفت بهێنە ڤەکرن، لێ هەر کەسەک بچیتە ناڤ مزگەفتێ پیدڤیە ماسک ل بەر دەڤی بیت و بکاربینیت.

هەروەسا دەربارێ هاتنا شۆفێرێن تورکیا بۆ ناڤ ئاخا هەرێما کوردستانێ و دهۆکێ، پارێزگارێ دهۆکێ راگەهاند، شۆفێر دێ دەربازبن، هاتنا وان شۆفێران دێ وەک بەری مەها ئادارێ بیت، هاتن و چوون ل دەرازینکێن سنوری دێ یائاسایی بیت