سەرنووچە:

وەزارەتا کۆچ و کۆچبەرێن عێراقێ: ٥٩ ھزار خێزانێن ئاوارە د کەمپان دا مانە

فۆتۆ: 
2020-08-15

217 جار خوێندراوەتەوە

بڕیکارێ وەزارەتا کۆچ و کۆچبەرێن عێراقێ ڕاگەھاند، ھەیا نھا ٥٩ ھزار خێزانێن ئاوارە ل سەرانسەری ولاتی د  کەمپان دا مانە، کو پرانیا وان ل پارێزگەھا دھۆکێ نە.
جاسم عەتییە بڕیکارێ وەزارەتا کۆچ و کۆچبەرێن عێراقێ ڕاگەھاند، ھەیا نھا ٥٩ ھزار خێزانێن ئاوارە ل سەرانسەری ولاتی د  کەمپان دا مانە و ڤەگەریانا وان خێزانان بۆ دەڤەرێن خۆ گرێدایە ب دابینکرنا شیانێن دارایی ڤە".
بەحسکریە ژی، " ٤٥٠ ھزار خێزانێن ئاوارە ل دەستپێکرنا ئۆپراسیۆنا کۆنترۆلکرنا باژارێن بن دەستێ داعش ل سالا ۲۰۱۷ێ بۆ دەڤەرێن خۆ ڤەگەریانە".
دبێژیت ژی، " زێدەترین ژمارەیا ئاوارەیان د نھا دا ل پارێزگەھا دھۆکێ نە و پشترا ل نەینەوا ، ئەنبار و کەرکوک، سەڵاحەدین و چەند  پارێزگەھێن دی یێن باشورێ عێراقێ نە".

ئەڤە دەمەکێ دایە، ژبەر ھەرفینا خانیێن بەشەکا ئاوارەیان د دەما شەرێ داعش دا و نەبوونا خزمەتگۆزاریا و خرابیا رەۆشا ئەولەھیێ نکارن بۆ جھێن خۆ ڤەگەرن.