سەرنووچە:

ژۆرا ئۆپەڕاسیۆنا بەرهنگاربوونا کۆرۆنایێ ل دهۆکێ چەند بڕیارەک دەرکرن

فۆتۆ: 
2020-08-15

5778 جار خوێندراوەتەوە

ژۆرا ئۆپەراسیۆنا بەرھەنگاربوونا کۆرۆنایێ ل دھۆکێ چەند بڕیارێن نوو دەرکرن و ڕاگەھاند، " دەواما دامودەزگەھێن حکومەتێ ل پارێزگەھا دھۆکێ سۆبەھی و پێدا دێ ل دەمژمێر ۹ێ سپێدێ دەستپێکەت ھەیا دەمژمێر ۱ێ نیڤرۆ دێ ب دوماھی ھێت".

ژۆرا ئۆپەراسیۆنا بەرھەنگاربوونا ڤایرۆسێ کۆرۆنایێ ل دھۆکێ  بەیانامەک بەلاڤکر و تێدا ھاتیە، " دەواما دامودەزگەھێن حکومەتێ ل سنورێ  پارێزگەھا دھۆکێ سۆبەھی ئێکشەمبیێ ڕێکەفتی ۱٦ێ تەباخا ۲۰۲۰ێ ل دەمژمێر ۹ێ سپێدێ دێ دەستپێکەت و ھەیا دەمژمێر ۱ێ نیڤرۆ دێ ب دوماھی ھێت ، لدی ڕێکارێن وەزارەتا ساخلەمیێ".

ئەو یەک ژی دیارکریە، "  کو ڕێکارێن خۆ پارێزیێ یێن بەیانا ژمارە ٤٦ یا وەزارەتا  نافخۆیا حکومەتا ھەرێما کوردستانێ دێ بەردەوامبن و ھاتن و چوونا ناڤبەرا پارێزگەھێن ھەرێم و عێراقێ ژی ھەر لدیف وێ بەیانێ کار پێ ھێتە کرن".