سەرنووچە:

ئێن ئاڕ تی داوی زانیاریان دەربارەی پارڤەکرنا مووچەیێ ئادارێ ئاشکرا دکەت

فۆتۆ: 
2020-08-15

3674 جار خوێندراوەتەوە

ژێدەرەک ل بەغدا ب ئێن ئاڕ تی ڕاگەھاند، گڤاش  لسەر سەرۆک وەزیرێن عێراقێ ھەیە  ژ بۆ کو کورتئینانا مووچەیێ ڤێ مەھێ یێ فەرمانبەرێن ھەرێمێ بدەت.

ژێدەرەکێ تایبەت ل بەغدا ب ئێن ئاڕ تی ڕاگەھاند، " گڤاشا ناڤدەولەتی لسەر مستەفا کازمی سەرۆک وەزیرێن عێراقێ ھەیە کو کورتئینانا مووچەیێ ڤێ مەھێ یێ فەرمانبەرێن ھەرێمێ پربکەت و مووچەیێ مەھا ئادارێ بدەت".

وی ژێدەری ئەو  یەک ژی دایە زانین، " ئەڤ پارەیە جوودایە ژلھەڤھاتنا ناڤبەرا ھەرێم و بەغدا و د چارچۆڤەیا لھەڤھاتنێ دا نینە".

ئەڤە ژی د دەمەکێ دایە نھا مووچەخۆرێن ھەرێمێ د مەھا ھەشتێ دانە ، لێ ھەیا نھا مووچەیێ مەھا سێ   وەرنەگرتنە و مووچەیێ مەھا سباتێ ژی ب بڕینا ۲۱٪ ھاتیە پارڤەکرن.