سەرنووچە:

شاسوار عەبدولواحید دەربارەی خۆنیشاندانێن سەرتاسەری داخوازیەکێ ژ ئالیێن ئۆپۆزسیۆنێ دکەت

فۆتۆ: 
2020-08-15

343 جار خوێندراوەتەوە

شاسوار عەبدولواحید ڕاگەهاند، " داخوازێ ل هەریەک ژ یەکگرتوو، کۆمەلا ئیسلامی، حزبا شوعی، بزاڤا ئیسلامی و  هەموو لایەنێن سیاسی و ڕێکخرا و دەستە و گروپ و کەسێن نەڕازی دکەین، جڤینەکا گشتی ب مەرەما دیارکرنا ڕۆژەکێ بۆ ئەنجامدانا خۆنیشاندانێن سەرتاسەری ئەنجامبدەین".

سەرۆکێ ڤەلڤینا نەوەی یاداشتەک ئاراستەی هەریەک ژ خوازێ ل هەریەک ژ یەکگرتوو، کۆمەلا ئیسلامی، حزبا شوعی، بزاڤا ئیسلامی و  هەموو لایەنێن سیاسی و ڕێکخرا و دەستە و گروپ و کەسێن نەڕازی کریە و تێدا هاتیە،"  داخوازێ ژ هەموو وان بەرێزان دکەین ژ پێخەمەت  بەرژەوەندیا گشتی و داخوازکرنالا مافێ وەلاتیان بلا کەرمکەن دەمژمێر ١١ێ بەریا نیڤرۆیا ڕۆژا  دوشەمبێ، ١٧ێ تەباخا ٢٠٢٠ێ، جڤینەکا گشتی ب مەرەما دیارکرنا ڕۆژەکێ بۆ ئەنجامدانا خۆنیشاندانێن سەرتاسەری ئەنجامبدەین"

بەحسا وێیەکی ژی کریە، " داخوازێ ل هەریەک ژ ئەڤێن سەری کو مە ناڤێن وان ئینای دکەین، وەسا زانیە کو مە چەند ڕۆژێن بەریا نها یەکئالیانە بڕیاردایە بۆ ئەنجامدانا خۆنیشاندانێ، بلا ڤێ جارێ ئەو  کەرەمکەن و  چ پێدڤییە بلا بکەین، ئەم ژی دی دگەل وان بین و پێدڤی ب هەر تشتەکی ژی هەبیت دێ د خزمەتا وان دابین، هەیا سوبەهی  کو ڕۆژا خۆنیشاندانێ هاتە دیارکرن، کەس گازندان نەکەت و بێژیت، ئەم ئاگەهدارنەبووین".

شاسوار عەبدولواحید بەحسا وێیەکی ژی کریە،" ب تایبەت دخوازێ ل هەریەک ژ یەکگرتوویا ئیسلامی و کۆمەڵا ئیسلامی و حیزبا شیوعیی و بزاڤا ئیسلامی دکەین، بلا ئەو پێشڕەویا خۆنیشاندانێ بکەن و ئەم ژی  پێنگاڤ ب پێنگاڤ دێ دگەل وان دابین، ژبەر کو ئەڤ ڕەوشا هۆسا یا دژوار کو وەلاتیێن هەرێمێ تێدا دەربازدبن، پێدڤی ب کارێ هەڤبەش وهەڤڕایی و یەگرتنا هەموو ئالیان و خەلکێ نەڕازی هەیە".

زەلالکر ژی، " نها دەمێ هندێ یە هەموو ب هەڤڕا بەرژەوەندیێن حیزبی بدەینە ڕەخەکی و دەست ب ئێخینە دەستێ هەڤدۆ و ژ پێخەمەت بەرژەوەندیێن گشتی و دەربازکرنا هەرێما مە ل ڤێ ڕەوشا هۆسا یا دژوار کو وەلاتی تێدانە".