سەرنووچە:

سەروک کومارێ لوبنانێ: زیانێن تەقینێ ژ ١٥ ملیار دولاران دەربازبووینە

فۆتۆ: 
2020-08-13

184 جار خوێندراوەتەوە

سەروک کومارێ لوبنانێ راگەهاند،پێشبینی دهێتەکرن زیانێن مادیێن تەقینا حەفتیا دەربازبووی یا بەیرۆتێ ژ ١٥ ملیار دولاران دەربازبووینە.

ئاژانسا نووچەیێن فەرمیێن لۆبنانێ بەلاڤکریە، میشێل عەونی سەروک کومارێ لوبنانێ راگەهاندیە، پێشبینیێ دکەین، زیانێن مادیێن تەقینا حەفتیا دەربازبووی ل بەیروتێ ژ ١٥ ملیار دولاران دەرباز دبن، ئەگەرێ زێدەبوونا زیانان ژی هەیە.

ژئالیەکێ دی ڤە، رێڤەبەرێ گشتیێ ئەولەهیا لوبنانێ راگەهاند، هەیا نها زیان ب سێ هزار و ٩٧٢ ئاڤاهی و چار هزار ترۆمبێلان کەفتیە و هێشتا  کار لسەر دیارکرنا زانیاریان بەردەوامە.

چارێ ڤێ مەهێ، تەقینەکا مەزن ل بەیروتا پایتەختێ لۆبنانێ روودایە و ب وێ سەدەمێ چەندین زیانێن جانی و مادی لێکەتن.